جامبىل وبلىسىنداعى جارىلىستان امان قالعان ءورت ءسوندىرۋشى وقيعانىڭ قالاي بولعانىن ايتىپ بەردى. اۋرۋحانادا ەم قابىلداپ جاتقان الماز تۇرسىنوۆتىڭ سوزىنشە، اسكەري قىزمەتكەرلەر وق-دارىگە تولى قويماعا كەلگەن مامانداردىڭ باسشىلارىنا "قاۋىپ جوق" ەكەنىن ايتقان كورىنەدى. ال، توتەنشەلىكتەر وسى سوزگە سەنىپ ءورتتى سوندىرۋگە رۇقسات بەرگەن.
سول ۋاقىتتا جويقىن جارىلىس تىركەلىپتى. ال، ورتسوندىرۋشىلەردى قۇتقارۋدىڭ ورنىنا اسكەريلەر ول ساتتە وقيعا ورنىنان باس ساۋعالاپ قاشىپ كەتكەن ەكەن.
قازىر الماز تۇرسىنوۆپەن بىرگە قاۋىپتى ايماققا بارعان مامانداردىڭ بارلىعى كوز جۇمعان. ءبىر ولىمنەن امان قالعان جىگىتتىڭ جارىلىستان ەكى كوزىنە زاقىم كەلىپ، قول-اياعى سىنعان.
بۇل تۋرالى «ەۋرازيا» ءبىرىنشى ارناسى حابارلايدى.
الماز تۇرسىنوۆ، زارداپ شەككەن ءورت ءسوندىرۋشى:
"سول جاقتا جۇرگەن ۇلكەن پولكوۆنيك كىسىدەن سۇرادىم: "جارىلادى ما؟" دەپ. سوسىن ول ايتتى ء"وي، جارىلمايدى، ەرۋندا عوي بۇل دەپ. ءوزى بىراق، وتستۋپات ەتىپ جاتقانىن كوردىم، بايقادىم. ۆوەننىي فورمادا ءجۇردى ول كىسى ءسويتتى دا ول كىسى كەتىپ قالدى. بىراق، ءبىز ءوشىرىپ جاتقان كەزدە ۋجە باستالىپ جاتقان، شەت شەتكە وقتار ۇشىپ. كاراۋل باستىعى ايتتى: ء"جاي، ءجاي ارتقا بەرەيىك، چە تو نە تو مىناۋ", - دەدى. ابايلايىقشى جىگىتتەر، دەپ سەزدى كاراۋل باستىعى".
بۇعان دەيىن جامبىل وبلىسى بايزاق اۋدانىنداعى كۇزەتىلمەيتىن قويمالاردىڭ ءبىرىنەن جارىلماعان وق-دارىلەر تابىلدى دەگەن اقپارات تاراعان ەدى. بىراق، كەيىننەن قورعانىس مينيسترلىگى ول سناريادتاردىڭ بارلىعى گيلزاسى الىنعان، مەتاللعا وتكىزىلگەن قاۋىپسىز وق-دارىلەر ەكەنىن مالىمدەدى. ال، جارىلىس كەزىندەگى ءورت سوندىرۋشىلەردىڭ نۇسقاسىنا قاتىستى نۇرلان ەرمەكباەۆ باسقاراتىن ۆەدومستۆو ماردىمدى جاۋاپ بەرگەن جوق. تەك، اسكەري بولىمگە جاۋاپتىلار قويماداعى ينجەنەرلىك سناريادتار جارىلماۋى ءتيىس ەدءى دەپ قىسقا قايىردى. ناقتى سەبەبىن ارنايى قۇرىلعان كوميسسيا انىقتايتىن بولادى.
رۋسلان جىلقىباەۆ، اسكەري ءبولىم كومانديرىنىڭ ورىنباسارى:
"ورتەنگەن قويماداعى ينجەنەرلىك وق-دارىلەر تەحنيكالىق سيپاتتامالارىنا قاراي جارىلماۋى ءتيىس ەدى. سوندىقتان اسكەري ءبولىمنىڭ ءورتسوندىرۋ توبى ءورتتى وقشاۋلاۋ تۋرالى شەشىم قابىلداعان. سونىمەن قاتار، وقيعا ورنىنا جول پاترۋلدىك قىزمەتىنىڭ ءورتسوندىرۋ بولىمدەرى جۇمىلدىرىلدى. جارىلىستاردىڭ سەبەپتەرىن قۇرامىندا ءبىلىكتى ساراپشىلارى بار كوميسسيا انىقتاۋى كەرەك".
