Máskeýdegi Rıazan dańǵylyndaǵy turǵyn úıdiń janynda jarylys boldy, dep habarlaıdy “Adyrna” ulttyq portaly.
Reseılik telegram-arnalardyń habarlaýynsha, eki adam qaza tapqan. Onyń ishinde Reseı Qarýly Kúshteriniń general-leıtenanty men onyń kómekshisi bar.
Aqparat boıynsha, tańerteń Rıazansk prospektisinde bolǵan jarylystyń sebebi retinde samokattyń rýline bekitilgen jarylǵysh qurylǵy kúdiktelýde. Sarapshylar jarylys jerden shamamen bir metr bıiktikte bolǵanyn, bul samokattyń rýliniń ornalasýyna sáıkes keletinin aıtady. Jarylys tolqyny jaqyn mańdaǵy páterlerdiń terezelerin syndyryp, jarylys tańǵy saǵat 6-da tirkelgen.
Aqparat kózderine silteme jasaǵan BAQ jáne Telegram-arnalarynda aıtylǵandaı, jarylys saldarynan Reseı Qarýly Kúshteriniń general-leıtenanty men onyń kómekshisi qaza tapty. Qaza tapqandardyń jeke tulǵalary áli resmı túrde rastalmaǵan, sondaı-aq shabýyldyń baǵyty týraly aqparat joq.
Tekserý organdary oqıǵany zertteýdi jalǵastyrýda jáne barlyq nusqalardy qarastyrýda.
Aıta ketsek, general-leıtenant Igor Kırıllov Ulybrıtanııanyń sankııa tiziminde. Oǵan Ýkraınada hımııalyq qarý qoldanýǵa qatysy bar jáne jalǵan aqparat taratty degen aıyp taǵylǵan. AQSh pen onyń odaqtastary Reseıdiń ýkraınalyq áskerı qyzmetkerlerge qarsy hlorpıkrın dep atalatyn ýly zat qoldanǵanyn málimdegen.
