پاۆلودار وبلىسىنداعى «مايقايىڭالتىن» اق اۋماعىندا جۇمىسشىنى كولىك قاعىپ، وقيعا ورنىندا قازا تاپتى، دەپ حابارلايدى "ادىرنا" ۇلتتىق پورتالى Kazinform اگەنتتىگىنە سىلتەمە جاساپ.
وقيعا تۋرالى پاۆلودار وبلىسى مەملەكەتتىك ەڭبەك ينسپەكتسياسى كوميتەتى دەپارتامەنتى اقپارات تاراتتى. ۆەدومستۆو مالىمەتىنشە، كاسىپورىن اۋماعىندا 32 جاستاعى جۇمىسشى قازا تاپقان. قازىرگى ۋاقىتتا وقيعانىڭ ءمان-جايى انىقتالىپ، تەكسەرۋ جۇرگىزىلۋدە.
سونىمەن قاتار، پوليتسيا قاۋىپسىزدىك ەرەجەلەرىن بۇزۋ ارقىلى ابايسىزدا ادام ولىمىنە اكەپ سوقتىرعانى ءۇشىن قىلمىستىق ءىس قوزعادى. وبلىستىق پوليتسيا دەپارتامەنتى وقيعاعا قاتىسى بار كولىك جۇرگىزۋشىسىنىڭ انىقتالعانىن جانە قاماۋعا الىنعانىن حابارلادى.
«وقيعانىڭ ءمان-جايى مەن سەبەپتەرى تەرگەۋ بارىسىندا انىقتالادى»، – دەدى پوليتسيا.
