12 قاراشادان بەرى ءىز-ءتۇزسىز جوعالىپ كەتكەن 19 جاستاعى قىزدىڭ دەنەسى ءۇلبى وزەنىنىڭ جاعاسىنان تابىلدى، دەپ حابارلايدى "ادىرنا" ۇلتتىق پورتالى.
شىعىس قازاقستان وبلىسىنىڭ پوليتسيا دەپارتامەنتىنىڭ مالىمەتىنشە قىزدىڭ دەنەسى 13 جەلتوقسان كۇنى تابىلعان.
"13 جەلتوقسان كۇنى وسكەمەن قالاسىنداعى پروتوزانوۆ كوشەسىندە ورنالاسقان ءۇلبى وزەنى جاعاسىندا پوليتسيا قىزمەتكەرلەرى بۇرىن ءىز-ءتۇزسىز جوعالعان 19 جاستاعى انەل ەرiكتىڭ دەنەسىن تاپتى. دەنەسىندە كوزگە كورىنەتىن جاراقات بەلگىلەرى جوق. وقيعانىڭ ءمان-جايى انىقتالۋدا. ساراپتاما تاعايىندالدى. سوتقا دەيىنگى تەرگەۋ جۇرگىزىلۋدە", – دەپ حابارلادى شقو پد ءباسپاسوز قىزمەتى.
قىز 12 قاراشادا تاڭعى ساعات 08:00 شاماسىندا "مەتاللۋرگ" ساياباعى ماڭىنداعى ۇيىنەن بەلگىسىز باعىتقا شىعىپ كەتكەن. سودان بەرى ونى ەشكىم كورمەگەن، جاقىندارىمەن بايلانىسقا شىقپاعان. جوعالعان كەزدە ول جاسىل تولستوۆكا، قارا ەتىك، شالبار جانە فۋتبولكا كيگەن بولاتىن.
بۇل قايعىلى وقيعاعا قاتىستى قوسىمشا اقپارات تەرگەۋ ناتيجەسىندە انىقتالادى.
