12 qarashadan beri iz-túzsiz joǵalyp ketken 19 jastaǵy qyzdyń denesi Úlbi ózeniniń jaǵasynan tabyldy, dep habarlaıdy "Adyrna" ulttyq portaly.
Shyǵys Qazaqstan oblysynyń Polıııa departamentiniń málimetinshe qyzdyń denesi 13 jeltoqsan kúni tabylǵan.
"13 jeltoqsan kúni Óskemen qalasyndaǵy Protozanov kóshesinde ornalasqan Úlbi ózeni jaǵasynda polıııa qyzmetkerleri buryn iz-túzsiz joǵalǵan 19 jastaǵy Anel Eriktiń denesin tapty. Denesinde kózge kórinetin jaraqat belgileri joq. Oqıǵanyń mán-jaıy anyqtalýda. Saraptama taǵaıyndaldy. Sotqa deıingi tergeý júrgizilýde", – dep habarlady ShQO PD baspasóz qyzmeti.
Qyz 12 qarashada tańǵy saǵat 08:00 shamasynda "Metallýrg" saıabaǵy mańyndaǵy úıinen belgisiz baǵytqa shyǵyp ketken. Sodan beri ony eshkim kórmegen, jaqyndarymen baılanysqa shyqpaǵan. Joǵalǵan kezde ol jasyl tolstovka, qara etik, shalbar jáne fýtbolka kıgen bolatyn.
Bul qaıǵyly oqıǵaǵa qatysty qosymsha aqparat tergeý nátıjesinde anyqtalady.
