Semeı qalasynda 22 jastaǵy Rahat Raıbekti azaptap óltirgen kúdiktige sot úkimi shyqty, dep habarlaıdy “Adyrna” ulttyq portaly.
Sýdıanyń sheshimi boıynsha, kúdikti ári marqumnyń áriptesi 12 jylǵa bas bostandyǵynan aıyryldy. Ol jazasyn qylmystyq atqarý júıesiniń ortasha qaýipsiz mekemesinde óteıdi.
Qaıǵyly oqıǵa jyl basynda Shyǵys Qazaqstan oblysy, Úrjar aýdanynda bolǵan. Aýyr jaraqat alǵan 22 jastaǵy Rahat Raıbekke kórsetilgen medıınalyq kómekten buryn kóz jumdy. Marqumnyń týystary onyń denesine 21 ret pyshaq salynǵanyn aıtady.
Marqumnyń otbasy sot úkimine narazylyq bildirip, istiń ádil qaralmaǵanyn alǵa tartýda. Olar eń qatań jaza taǵaıyndalýy úshin apellıaııaǵa júginetinderin málimdedi.
"Qylmyskerge asa joǵary jaza berilgen joq. Biz eń qatań jaza talap etip, birneshe ret ótinish jazdyq. Ókinishke qaraı, tergeý men sot proesteri bizdi qanaǵattandyrmady. Apellıaııaǵa berip, shyndyqtyń túbine jetýge tyrysamyz,"– deıdi marqumnyń ápkesi Sholpan Muhamedjanova.
Sýdıa jalǵan kýálik bergenderdiń barlyǵyn jaýapqa tartý týraly sheshim shyǵardy.
Sondaı-aq, áskerı komıssarıatqa da tekseris júrgiziletinin habarlady. Qaraly otbasy bul qylmysqa qatysy bar basqa da tulǵalardyń jaýapqa tartylýyn talap etýde.
