الماتى قالالىق سوتى Mudarabah Capital قارجى پيراميداسىنا قاتىستى ۆاينەرلەردىڭ ءىسى بويىنشا سوت وتىرىسى قاشان وتەتىنىن ءمالىم ەتتى، دەپ حابارلايدى “ادىرنا” ۇلتتىق پورتالى.
«العاشقى سوت وتىرىسى المالى اۋدانىنىڭ قىلمىستىق ىستەر جونىندەگى سوتىندا 21 جەلتوقسان كۇنى ساعات 15:00-دە وتەدى»،- دەلىنگەن ۆەدومستۆو حابارلاماسىندا.
ەسكە سالايىق، 2022 جىلعى 10 اقپانىندا ۆاينەرلەر مەيىرجان تورەباەۆ پەن مەيىرحان شەرنيازوۆقا قاتىستى "قارجى (ينۆەستيتسيا) پيراميداسىن قۇرۋ جانە باسقارۋ" بابى بويىنشا قىلمىستىق ءىس قوزعالدى. ولاردى قاماۋدا ۇستاۋ مەرزىمى بىرنەشە رەت ۇزارتىلدى. كەيىنگى رەت 21 قاراشادا تاعى ءبىر ايعا، 19 جەلتوقسانعا دەيىن قاماۋدا ۇستالاتىنى حابارلانعان ەدى.
