2024 جىلدىڭ ەكىنشى جارتىسىندا قر جوعارى اۋديتورلىق پالاتاسى نازارباەۆ ۋنيۆەرسيتەتىنىڭ 2017-2023 جىلدار ارالىعىنداعى قىزمەتىنە مەملەكەتتىك اۋديت جۇرگىزدى. ناتيجەسىندە كەيبىر قارجىلىق قاتەلىكتەر انىقتالعان، دەپ حابارلايدى “ادىرنا” ۇلتتىق پورتالى.
ۋنيۆەرسيتەتتىڭ ءباسپاسوز قىزمەتى اۋديت ناتيجەسىندە انىقتالعان قاتەلىكتەرگە تۇسىنىكتەمە بەردى.
“ۋنيۆەرسيتەت ءبىلىم بەرۋ باعدارلامالارىن حالىقارالىق ساپا ستاندارتتارىنا ساي ەتىپ، ءبىلىم بەرۋ مەن عىلىمي زەرتتەۋلەر دەڭگەيى جوعارى ەكەنىن كورسەتتى. بۇل كوپتەگەن اككرەديتاتسيا جانە الەمدەگى جەتەكشى ۋنيۆەرسيتەتتەرمەن سەرىكتەستىكتەرمەن راستالادى. بۇل رەتتە اۋديت بارىسىندا انىقتالعان قارجىلىق بۇزۋشىلىقتار بيۋدجەتتىك باعدارلاما شەڭبەرىندە ستۋدەنتتەردىڭ جول ءجۇرۋى بويىنشا وتەماقىنى جانە مەملەكەتتىك شاكىرتاقىلاردى ەسەپتەۋگە بايلانىستى جانە ۋنيۆەرسيتەتتىڭ اكادەميالىق جانە عىلىمي قىزمەتىنە قاتىسى جوق. اۋديتورلىق ەسەپكە سايكەس، ۋنيۆەرسيتەت جانە ونىڭ ۇيىمدارى بەلگىلەنگەن تارتىپپەن قر جوعارى اۋديتورلىق پالاتاسىنىڭ ۇسىنىمدارىن ورىنداۋ جونىندەگى ءىس-شارالار جوسپارىن ازىرلەدى، ول بويىنشا ءتيىستى جۇمىس جۇرگىزىلىپ جاتىر. جوعارىدا اتالعان جوسپاردىڭ ورىندالۋ بارىسى تۋرالى اقپاراتتى ۋنيۆەرسيتەت جوعارى قامقورشىلىق كەڭەس پەن قامقورشىلىق كەڭەسكە تۇراقتى نەگىزدە ەنگىزىپ وتىراتىن بولادى، — دەلىنگەن حابارلامادا.
بۇعان دەيىن نازارباەۆ ۋنيۆەرسيتەتىندە 73 ملرد تەڭگەنىڭ ءتيىمسىز يگەرىلگەنى انىقتالعانى حابارلانعان بولاتىن.
