2024 jyldyŋ ekınşı jartysynda QR Joǧary auditorlyq palatasy Nazarbaev universitetınıŋ 2017-2023 jyldar aralyǧyndaǧy qyzmetıne memlekettık audit jürgızdı. Nätijesınde keibır qarjylyq qatelıkter anyqtalǧan, dep habarlaidy “Adyrna” ūlttyq portaly.
Universitettıŋ baspasöz qyzmetı audit nätijesınde anyqtalǧan qatelıkterge tüsınıkteme berdı.
“Universitet bılım beru baǧdarlamalaryn halyqaralyq sapa standarttaryna sai etıp, bılım beru men ǧylymi zertteuler deŋgeiı joǧary ekenın körsettı. Būl köptegen akkreditasiia jäne älemdegı jetekşı universitettermen serıktestıktermen rastalady. Būl rette audit barysynda anyqtalǧan qarjylyq būzuşylyqtar biudjettık baǧdarlama şeŋberınde studentterdıŋ jol jüruı boiynşa ötemaqyny jäne memlekettık şäkırtaqylardy esepteuge bailanysty jäne Universitettıŋ akademiialyq jäne ǧylymi qyzmetıne qatysy joq. Auditorlyq esepke säikes, Universitet jäne onyŋ ūiymdary belgılengen tärtıppen QR Joǧary auditorlyq palatasynyŋ ūsynymdaryn oryndau jönındegı ıs-şaralar josparyn äzırledı, ol boiynşa tiıstı jūmys jürgızılıp jatyr. Joǧaryda atalǧan Jospardyŋ oryndalu barysy turaly aqparatty Universitet Joǧary qamqorşylyq keŋes pen Qamqorşylyq keŋeske tūraqty negızde engızıp otyratyn bolady, — delıngen habarlamada.
Būǧan deiın Nazarbaev universitetınde 73 mlrd teŋgenıŋ tiımsız igerılgenı anyqtalǧany habarlanǧan bolatyn.
Ūqsas jaŋalyqtar
