دەنساۋلىق ساقتاۋ مينيسترلىگىنىڭ مەنشىگىندەگى قۇرىلىسى اياقتالماعان نىساندار نازارباەۆ ۋنيۆەرسيتەتىنىڭ بالانسىنا بەرىلەدى. قاۋلى اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا جاريالاندى, دەپ حابارلايدى «ادىرنا» ءتىلشىسى.
«دەنساۋلىق ساقتاۋ مينيسترلىگىنىڭ بالانسىنان «نازارباەۆ ۋنيۆەرسيتەتى» دەربەس ءبىلىم بەرۋ ۇيىمىنىڭ مەنشىگىنە اياقتالماعان قۇرىلىسقا ارنالعان شىعىندار تۇرىندەگى رەسپۋبليكالىق مۇلىك بەرىلسىن»،- دەلىنگەن ۇكىمەت قاۋلىسىنىڭ جوباسىندا.
مۇلىكتى وقۋ ورنىنا بەرۋ باستاماسى وتكەن جىلى انىقتالعان مينيسترلىكتىڭ ەسەپ اۋديتىندەگى ولقىلىقتارىن جويۋ ءۇشىن ۇسىنىلىپ وتىر.
ەندى «نازارباەۆ ۋنيۆەرسيتەتىنىڭ» مەنشىگىنە جالپى سوماسى 516 ملن 911 مىڭ 331 تەڭگە بولاتىن قۇرىلىسى اياقتالماعان مىنا نىساندار وتەدى:
- 10 كۆ ەلەكترمەن جابدىقتاۋ جەلىلەرى - 26 434 تەڭگە;
- تپ-10/0كۆ جانە كل 6-10 كۆ قۇرىلىسى - 24 267 667 تەڭگە;
- ەلەكترلىك مونتاجداۋ جۇمىستارى - 13 217 230 تەڭگە;
- «استانا قالاسىندا 180 توسەكتىك ۇلتتىق عىلىمي كارديوحيرۋرگيالىق ورتالىق» كەاق جوبالاۋ-سمەتالىق قۇجاتتاماسى - 345 200 000 تەڭگە;
- «استانا قالاسىندا ءبىر اۋىسىمدا 500 ادام قابىلدايتىن رەسپۋبليكالىق دياگنوستيكالىق ورتالىق» اق-نىڭ جوبالاۋ-سمەتالىق قۇجاتتاماسى - 134 200 000 تەڭگە.
ۇكىمەت قاۋلىسى 9 ماۋسىمعا دەيىن كوپشىلىك تالقىلاۋدا بولادى.
