شەرزاتتىڭ اكەسى مەن اپكەسى اكىمشىلىك سوت شەشىمىمەن 15 كۇنگە قامالدى، دەپ حابارلايدى "ادىرنا" ۇلتتىق پورتالى.
بۇل تۋرالى شەرزاتتىڭ وتباسىنىڭ ادۆوكاتتارى ايتتى.
ولارعا ميتينگە شاقىردى دەگەن ايىپ تاعىلعان. قارجاۋبايدىڭ قارىنداسى باقىت ەل ازاماتى بولماۋىنا بايلانىستى قازاقستاننان دەپورتاتسيالانادى.
ودان بولەك قارجاۋبايدىڭ تاعى ءبىر قارىنداسى سالتاناتقا 20 اەك ايىپپۇل سالىندى. جەزدەسى ايعازىعا بايلانىستى سوت بۇگىن تاڭەرتەڭ ءوتتى.
ەسكە سالا كەتەيىك، 9 جەلتوقسان كۇنى شەرزاتتىڭ اعاسى نۇرقانات عايىپباەۆ قايتىس بولعانى تۋرالى اقپارات تارادى. دەرەكتەرگە، سۇيەنسەك ول وزىنە قول جۇمساعان. نۇرقاناتتىڭ جەرلەۋ ءراسىمى كەزىندە قوعامدىق ءتارتىپتى بۇزدى دەپ قارجاۋباي نۇرىموۆتى پوليتسيا ۇستاعان ەدى. كەيىننەن ونىڭ اۋداندىق اۋرۋحاناعا جەتكىزىلگەنى ايتىلدى.
