6 قاراشادا وزبەكستان پرەزيدەنتى شاۆكات ميرزيوەۆ كونستيتۋتسيا كۇنىنە وراي «جازاسىن وتەپ جاتقان، ىستەگەن ىسىنە وكىنەتىن جانە ءومىرىن وزگەرتۋگە بەت العان ادامدار توبىنا راقىمشىلىق جاساۋ» جارلىعىنا قول قويعان بولاتىن. وسىلايشا بيىل پرەزيدەنت راقىمشىلىق جاساعان ازاماتتار سانى 1431 ادامعا جەتتى, دەپ حابارلايدى «ادىرنا» ءتىلشىسى Fergana.news-كە سىلتەمە جاساپ.
كۇنى كەشە قابىلدانعان جارلىققا ساي، 483 ادامعا راقىمشىلىق جاسالدى. ولاردىڭ ىشىندە 107 سوتتالعان نەگىزگى جازاسىن وتەۋدەن تولىق بوساتىلسا، 275 ادام مەرزىمىنەن بۇرىن شارتتى تۇردە بوستاندىققا شىعادى. ودان بولەك، 7 ادامنىڭ جازاسى جەڭىلدەتىلىپ، باس بوستاندىعىنان ايىرىلعان 94 ازاماتتىڭ مەرزىمدەرى قىسقاردى.
راقىمشىلىققا ىلىنگەندەردىڭ ىشىندە 18 شەتەلدىك، 23 ايەل، 60 جاستان اسقان 15 ەر ادام مەن تىيىم سالىنعان ۇيىمداردىڭ قىزمەتىنە قاتىسقان 88 ادام بار.
«بۇل - ەلىمىزدە جۇرگىزىلىپ جاتقان گۋمانيزم ساياساتىنىڭ جانە حالقىمىزدىڭ مەيىرىمدىلىك پەن جاناشىرلىق سىندى اسىل قاسيەتتەرىنىڭ جارقىن كورىنىسى»،—دەدى شاۆكات ميرزيوەۆ.
