6 qarashada Ózbekstan prezıdenti Shavkat Mırzııoev Konstıtýııa kúnine oraı «Jazasyn ótep jatqan, istegen isine ókinetin jáne ómirin ózgertýge bet alǵan adamdar tobyna raqymshylyq jasaý» jarlyǵyna qol qoıǵan bolatyn. Osylaısha bıyl prezıdent raqymshylyq jasaǵan azamattar sany 1431 adamǵa jetti, dep habarlaıdy «Adyrna» tilshisi Fergana.news-ke silteme jasap.
Kúni keshe qabyldanǵan jarlyqqa saı, 483 adamǵa raqymshylyq jasaldy. Olardyń ishinde 107 sottalǵan negizgi jazasyn óteýden tolyq bosatylsa, 275 adam merziminen buryn shartty túrde bostandyqqa shyǵady. Odan bólek, 7 adamnyń jazasy jeńildetilip, bas bostandyǵynan aıyrylǵan 94 azamattyń merzimderi qysqardy.
Raqymshylyqqa ilingenderdiń ishinde 18 sheteldik, 23 áıel, 60 jastan asqan 15 er adam men tyıym salynǵan uıymdardyń qyzmetine qatysqan 88 adam bar.
«Bul - elimizde júrgizilip jatqan gýmanızm saıasatynyń jáne halqymyzdyń meıirimdilik pen janashyrlyq syndy asyl qasıetteriniń jarqyn kórinisi»,—dedi Shavkat Mırzııoev.
