اقش-تىڭ تەننەسسي شتاتىنداعى تاللاحوما ايماقتىق اۋەجايىنان ۇشىپ شىققاننان كەيىن كوپ ۇزاماي بورتىندا 20 جولاۋشىسى بار ۇشاق اپاتقا ۇشىرادى. بىرنەشە ادام ءتۇرلى جاراقات العان. بۇل ءتىرالى NBC News جازدى، دەپ حابارلايدى “ادىرنا”.
شتاتتىق جول پوليتسياسىنىڭ مالىمەتىنشە، زارداپ شەككەندەردىڭ ءبىر بولىگى مەديتسينالىق تىكۇشاقتارمەن جەرگىلىكتى اۋرۋحانالارعا جەتكىزىلگەن، قالعاندارىنا وقيعا ورنىندا مەديتسينالىق كومەك كورسەتىلۋدە.
قازىرگى ۋاقىتتا جارالانعانداردىڭ ناقتى سانى جاريالانعان جوق.
اقش-تىڭ ازاماتتىق اۆياتسيا فەدەرالدى باسقارماسىنىڭ (FAA) مالىمەتىنشە، اپاتقا ۇشىراعان ۇشاق — de Havilland Canada DHC-6 Twin Otter. ول اۋەجايدان كوتەرىلگەن سوڭ كوپ ۇزاماي اپاتقا ۇشىراپ، ولد-شەلبيۆيلل-روۋد اۋدانىندا قۇلاعان.
تاللاحوما قالالىق اكىمشىلىگىنىڭ وكىلى لايل راسسەلدىڭ ايتۋىنشا، اپاتتان قازا تاپقاندار جوق. باسقا مالىمەتتەر ازىرگە جاريا ەتىلمەگەن.
