بۇگىن تالدىقورعان قالاسىندا وبلىس اكىمدىگى مەن قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعى ءوزارا ىنتىماقتاستىق تۋرالى مەموراندۋمعا قول قويدى. مەموراندۋم اياسىندا وبلىس تۇرعىندارىن دياگنوستيكالاۋ، ەمدەۋ، وڭالتۋ باعىتىندا، جاڭا تەحنولوگيالار مەن وزىق ەمدەۋ ادىستەرىن مەڭگەرۋدە، يننوۆاتسيالىق ادىستەمەلەردى دامىتۋدا ەكى جاقتى ءبىلىم مەن تاجىريبە الماسۋ جۇرگىزىلەدى، دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعىنىڭ جەتەكشىسى الەكسەي تسوي باستاعان ورتالىقتىڭ بىلىكتى ۇجىمىنا وڭىرلەرمەن ىنتىماقتاستىق ورناتۋعا ىقىلاس تانىتىپ، باستاما جاساعاندارى ءۇشىن شىنايى ريزاشىلىعىن بىلدىرگەن بەيبىت يساباەۆ وبلىستا دەنساۋلىق ساقتاۋ سالاسىنا جاسالىپ وتىرعان قولداۋ شارالارى جايلى قىسقاشا ايتىپ ءوتتى.
- جەتىسۋ وبلىسىنىڭ دەنساۋلىق ساقتاۋ سالاسىنا تۇراقتى نەگىزدە مەملەكەتتىك قولداۋ كورسەتىلەدى. «اۋىلداعى دەنساۋلىق ساقتاۋدى جاڭعىرتۋ» ۇلتتىق جوباسى اياسىندا وبلىستا 59 نىساننىڭ قۇرىلىسى جۇرگىزىلۋدە، ونىڭ 33-ءى جىل سوڭىنا دەيىن ىسكە قوسىلادى. جالپى وبلىستا اۋىلدىق جەرلەردە ساپالى مەديتسينالىق قىزمەتتەردىڭ قولجەتىمدىلىگىن قامتاماسىز ەتۋ ءۇشىن جەرگىلىكتى بيۋدجەت قاراجاتى ەسەبىنەن سوڭعى 3 جىلدا 61 بلوكتىق-مودۋلدىك مەديتسينالىق نىسان سالىندى، اتاپ ايتقاندا 2022 جىلى – 12, 2023 جىلى – 22, 2024 جىلى 27 نىسان تۇرعىزىلدى. دەنساۋلىق ساقتاۋ سالاسى وبەكتىلەرىن سوڭعى جىلدارى 53% جاڭارتتىق. سونىمەن قاتار جەكە ينۆەستور ەسەبىنەن تالدىقورعاندا زاماناۋي ونكولوگيالىق ورتالىق سالىنادى. وڭىردە قابىلدانعان قولداۋ شارالارىنىڭ ناتيجەسىندە وتكەن 9 ايدا وبلىسقا 152 مەديتسينا مامانى كەلدى. ەكى جىلدا مەديتسينا مەكەمەلەرىنە 63 جەدەل جاردەم ماشينالارىن الىپ بەردىك. ءبىز ءوز تاراپىمىزدان دەنساۋلىق ساقتاۋ سالاسىنا جاڭا نىساندار سالۋ، ماتەريالدىق-تەحنيكالىق بازاسىن نىعايتۋ، ماماندارعا قولداۋ كورسەتۋ جۇمىستارىن جۇيەلى تۇردە جالعاستىرامىز. مەملەكەت باسشىسى ايتقانداي، حالىقتىڭ دەنساۋلىعى – ەلدىڭ ەڭ باستى بايلىعى. سوندىقتان سىزدەر مەن ءبىزدىڭ ماقساتىمىز ورتاق، - دەگەن ب. يساباەۆ ءوزارا ىنتىماقتاستىق ورناتۋدىڭ حالىقتىڭ دەنساۋلىعىن نىعايتىپ، مەديتسينالىق قىزمەت كورسەتۋ ساپاسىن جاقسارتۋعا ىقپال ەتەتىن شارا بولاتىنىنا سەنىم ءبىلدىردى.
ءوز كەزەگىندە قر پرەزيدەنتىنىڭ ءىس باسقارماسى مەديتسينالىق ورتالىعىنىڭ جەتەكشىسى الەكسەي تسوي پرەزيدەنتتىڭ ءىس باسقارماسىنىڭ مەديتسينالىق ورتالىعى كۇندەرىن ۇيىمداستىرۋعا جاردەمدەسكەنى ءۇشىن العىسىن جەتكىزدى.
- مەملەكەت باسشىسى وڭىرلىك دەنساۋلىق ساقتاۋدى دامىتۋعا ەرەكشە كوڭىل ءبولۋ تۋرالى تاپسىرما بەردى. پرەزيدەنتتىڭ ءىس باسقارماسى مەديتسينالىق ورتالىعىنىڭ كۇندەرى ەلدىڭ بارلىق وڭىرلەرىندە وتكىزىلەدى. توقسان جىلدان استام ۋاقىت ىشىندە پرەزيدەنتتىڭ ءىس باسقارماسىنىڭ مەديتسينالىق ورتالىعى دەنساۋلىق ساقتاۋ جۇيەسىندە كوشباسشى بولىپ كەلەدى. سوڭعى 3 جىلدىڭ وزىندە ورتالىقتىڭ مەديتسينا قىزمەتكەرلەرى 150-دەن استام جاڭا تەحنولوگيانى سىناقتان وتكىزدى. وڭىرلەردەگى ارىپتەستەرىمىزگە مەديتسينالىق پراكتيكالىق كومەك كورسەتۋدى جوسپارلاپ وتىرمىز. بۇعان بۇگىن قول قويىلعان ىنتىماقتاستىق تۋرالى مەموراندۋم ىقپال ەتىپ وتىر، بۇل وسىنداي اكتسيالاردى تۇراقتى وتكىزۋگە مۇمكىندىك بەرەدى. نەگىزگى ماقساتىمىز – ايماقتارعا جاڭا تەحنولوگيالاردى كەڭىنەن ەنگىزۋ. ماسەلەن، جەتىسۋ ءوڭىرىنىڭ تۇرعىندارى وبلىستان سىرتقا شىقپاي-اق، كۇردەلى مەديتسينالىق كومەكتى جەرگىلىكتى جەردە دە الا الادى. ءبىزدىڭ بىرلەسكەن جۇمىسىمىز مەديتسينالىق قىزمەتتەردىڭ ساپاسىن كەزەڭ-كەزەڭىمەن جاقسارتا تۇسۋگە مۇمكىندىك بەرەدى، - دەپ اتاپ ءوتتى ا.تسوي.
كەزدەسۋ بارىسىندا جەتىسۋ وبلىسى مەن قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعىنىڭ ءوزارا ىنتىماقتاستىعى تۋرالى مەموراندۋمعا قول قويىلدى.
اتاپ وتسەك، قر پرەزيدەنتى ءىس باسقارماسىنىڭ مەديتسينالىق ورتالىعى كۇنى اياسىندا ماماندار وسى اپتانىڭ باسىنان تالدىقورعاننىڭ بىرقاتار مەديتسينالىق مەكەمەلەرىندە پاتسيەنتتەردى قابىلدادى. ماماندار قاتارىندا ەندوكرينولوگ، تراۆماتولوگ، گەنەتيك دارىگەر، اريتمولوگ دارىگەر، گاستروەنتەرولوگ، پۋلمونولوگ، انگيوحيرۋرگ، گەرونتولوگ، نەۆروپاتولوگ، اللەرگولوگ، ەپيلەپتولوگ بار. اكتسيانىڭ اياسىندا 31 وپەراتسيا جۇرگىزىلدى، ونىڭ 7-ءى بىرەگەي وپەراتسيا. جۇكتى ايەلدەردى، بالالار مەن قارتتاردى قوسا العاندا، 207 پاتسيەنتكە كونسۋلتاتسيالىق-دياگنوستيكالىق كومەك كورسەتىلدى. 193 مامان قاتىسقان 11 ءدارىس پەن پرەزەنتاتسيا وتكىزىلدى.
جەتىسۋ وبلىسى - «قر ءپىب مەديتسينالىق ورتالىعىنىڭ كۇندەرى» اكتسياسى ءوتىپ وتىرعان 14-ءشى ايماق. اكتسيانىڭ نەگىزگى ماقساتى - قر ءپىب مەديتسينالىق ورتالىعى جۇيەسىنىڭ وزىق تاجىريبەسىن وڭىرلەردىڭ دەنساۋلىق ساقتاۋ سالاسىنا تاراتۋ، بۇل ءوز كەزەگىندە حالىق تۇراتىن ەلدى مەكەندەردە جوعارى تەحنولوگيالىق قىزمەتتەر مەن ەمدەۋدىڭ وزىق ادىستەرىنىڭ قولجەتىمدىلىگىن كەڭەيتۋگە ىقپال ەتەدى.
