Bügın Taldyqorǧan qalasynda oblys äkımdıgı men Qazaqstan Respublikasy Prezidentınıŋ Is basqarmasy medisinalyq ortalyǧy özara yntymaqtastyq turaly Memorandumǧa qol qoidy. Memorandum aiasynda oblys tūrǧyndaryn diagnostikalau, emdeu, oŋaltu baǧytynda, jaŋa tehnologiialar men ozyq emdeu ädısterın meŋgerude, innovasiialyq ädıstemelerdı damytuda ekı jaqty bılım men täjıribe almasu jürgızıledı, dep habarlaidy Jetısu oblysy äkımınıŋ baspasöz qyzmetı.
Qazaqstan Respublikasy Prezidentınıŋ Is basqarmasy medisinalyq ortalyǧynyŋ jetekşısı Aleksei Soi bastaǧan ortalyqtyŋ bılıktı ūjymyna öŋırlermen yntymaqtastyq ornatuǧa yqylas tanytyp, bastama jasaǧandary üşın şynaiy rizaşylyǧyn bıldırgen Beibıt İsabaev oblysta densaulyq saqtau salasyna jasalyp otyrǧan qoldau şaralary jaily qysqaşa aityp öttı.
- Jetısu oblysynyŋ densaulyq saqtau salasyna tūraqty negızde memlekettık qoldau körsetıledı. «Auyldaǧy densaulyq saqtaudy jaŋǧyrtu» ūlttyq jobasy aiasynda oblysta 59 nysannyŋ qūrylysy jürgızılude, onyŋ 33-ı jyl soŋyna deiın ıske qosylady. Jalpy oblysta auyldyq jerlerde sapaly medisinalyq qyzmetterdıŋ qoljetımdılıgın qamtamasyz etu üşın jergılıktı biudjet qarajaty esebınen soŋǧy 3 jylda 61 bloktyq-moduldık medisinalyq nysan salyndy, atap aitqanda 2022 jyly – 12, 2023 jyly – 22, 2024 jyly 27 nysan tūrǧyzyldy. Densaulyq saqtau salasy obektılerın soŋǧy jyldary 53% jaŋarttyq. Sonymen qatar jeke investor esebınen Taldyqorǧanda zamanaui onkologiialyq ortalyq salynady. Öŋırde qabyldanǧan qoldau şaralarynyŋ nätijesınde ötken 9 aida oblysqa 152 medisina mamany keldı. Ekı jylda medisina mekemelerıne 63 jedel järdem maşinalaryn alyp berdık. Bız öz tarapymyzdan densaulyq saqtau salasyna jaŋa nysandar salu, materialdyq-tehnikalyq bazasyn nyǧaitu, mamandarǧa qoldau körsetu jūmystaryn jüielı türde jalǧastyramyz. Memleket basşysy aitqandai, halyqtyŋ densaulyǧy – eldıŋ eŋ basty bailyǧy. Sondyqtan sızder men bızdıŋ maqsatymyz ortaq, - degen B. İsabaev özara yntymaqtastyq ornatudyŋ halyqtyŋ densaulyǧyn nyǧaityp, medisinalyq qyzmet körsetu sapasyn jaqsartuǧa yqpal etetın şara bolatynyna senım bıldırdı.
Öz kezegınde QR Prezidentınıŋ Is basqarmasy medisinalyq ortalyǧynyŋ jetekşısı Aleksei Soi Prezidenttıŋ Is Basqarmasynyŋ Medisinalyq ortalyǧy künderın ūiymdastyruǧa järdemdeskenı üşın alǧysyn jetkızdı.
- Memleket basşysy öŋırlık densaulyq saqtaudy damytuǧa erekşe köŋıl bölu turaly tapsyrma berdı. Prezidenttıŋ Is Basqarmasy Medisinalyq ortalyǧynyŋ künderı eldıŋ barlyq öŋırlerınde ötkızıledı. Toqsan jyldan astam uaqyt ışınde Prezidenttıŋ Is Basqarmasynyŋ Medisinalyq ortalyǧy densaulyq saqtau jüiesınde köşbasşy bolyp keledı. Soŋǧy 3 jyldyŋ özınde ortalyqtyŋ medisina qyzmetkerlerı 150-den astam jaŋa tehnologiiany synaqtan ötkızdı. Öŋırlerdegı ärıptesterımızge medisinalyq praktikalyq kömek körsetudı josparlap otyrmyz. Būǧan bügın qol qoiylǧan yntymaqtastyq turaly memorandum yqpal etıp otyr, būl osyndai aksiialardy tūraqty ötkızuge mümkındık beredı. Negızgı maqsatymyz – aimaqtarǧa jaŋa tehnologiialardy keŋınen engızu. Mäselen, Jetısu öŋırınıŋ tūrǧyndary oblystan syrtqa şyqpai-aq, kürdelı medisinalyq kömektı jergılıktı jerde de ala alady. Bızdıŋ bırlesken jūmysymyz medisinalyq qyzmetterdıŋ sapasyn kezeŋ-kezeŋımen jaqsarta tüsuge mümkındık beredı, - dep atap öttı A.Soi.
Kezdesu barysynda Jetısu oblysy men Qazaqstan Respublikasy Prezidentınıŋ Is basqarmasy medisinalyq ortalyǧynyŋ özara yntymaqtastyǧy turaly Memorandumǧa qol qoiyldy.
Atap ötsek, QR Prezidentı Is Basqarmasynyŋ Medisinalyq Ortalyǧy künı aiasynda mamandar osy aptanyŋ basynan Taldyqorǧannyŋ bırqatar medisinalyq mekemelerınde pasientterdı qabyldady. Mamandar qatarynda endokrinolog, travmatolog, genetik därıger, aritmolog därıger, gastroenterolog, pulmonolog, angiohirurg, gerontolog, nevropatolog, allergolog, epileptolog bar. Aksiianyŋ aiasynda 31 operasiia jürgızıldı, onyŋ 7-ı bıregei operasiia. Jüktı äielderdı, balalar men qarttardy qosa alǧanda, 207 pasientke konsultasiialyq-diagnostikalyq kömek körsetıldı. 193 maman qatysqan 11 därıs pen prezentasiia ötkızıldı.
Jetısu oblysy - «QR PIB Medisinalyq ortalyǧynyŋ künderı» aksiiasy ötıp otyrǧan 14-şı aimaq. Aksiianyŋ negızgı maqsaty - QR PIB Medisinalyq ortalyǧy jüiesınıŋ ozyq täjıribesın öŋırlerdıŋ densaulyq saqtau salasyna taratu, būl öz kezegınde halyq tūratyn eldı mekenderde joǧary tehnologiialyq qyzmetter men emdeudıŋ ozyq ädısterınıŋ qoljetımdılıgın keŋeituge yqpal etedı.
Ūqsas jaŋalyqtar
