قر ءبىلىم جانە عىلىم مينيسترلىگى Mail.KZ ەلەكتروندىق سەرۆيسكە ارنالعان ۇلتتىق پورتالىمەن بىرلەسىپ تسيفرلىق ءبىلىم بەرۋدى كۇشەيتەدى. ول ءۇشىن تاراپتار ءتيىستى مەموراندۋمعا قول قويدى دەپ حابارلايدى "ادىرنا" ۇلتتىق پورتالى.
اتاپ ايتساق، ءبىلىم جانە عىلىم مينيسترلىگى مەن ەلەكتروندىق سەرۆيسكە ارنالعان ۇلتتىق پورتال ءبىلىم بەرۋدىڭ تسيفرلىق باعدارلامالارىن ازىرلەيدى. سونداي-اق ءبىلىم بەرۋ پلاتفورماسى مەن پايدالانۋشىلاردى اۆتوريزاتسيادان وتكىزۋ بويىنشا بىرىڭعاي تەتىكتى ىلگەرىلەتۋ جونىندەگى ءىس-شارالاردى جۇرگىزەتىن بولادى.
«Mail.KZ پورتالىمەن ءبىز 2 جىلدان استام ۋاقىت بويى ىنتىماقتاستىقتا جۇمىس ىستەپ كەلەمىز. قازاقستاندىق mail جوباسى ۇلكەن تەحنولوگيالىق قۋاتقا يە بولىپ وتىر. ول العاشقىلاردىڭ ءبىرى بولىپ ۇبت ناتيجەلەرىن تەكسەرۋ، رەسپۋبليكالىق كونكۋرستار، وليمپيادالار مەن باسقا دا ءىس-شارالاردى تىكەلەي ترانسلياتسيالاۋ سەرۆيستەرىن ىسكە اسىرۋعا كومەكتەستى جانە كومەكتەسىپ كەلەدى. بۇل جولى ءبىز ەلەكتروندىق سەرۆيسكە ارنالعان ۇلتتىق پورتالمەن edu.kz جانە قوسىمشا ءبىلىم بەرۋ قىزمەتتەرىن، سونىمەن بىرگە ەلدىڭ بارلىق پايدالانۋشىلارى ءۇشىن وزدەرىنىڭ تەحنيكالىق مۇمكىندىكتەرىن ۇسىنادى دەپ كەلىستىك. مەموراندۋم مەرزىمسىز جانە قارجىلىق جاۋاپكەرشىككە مىندەتتەمەيدى»، - دەدى قر ءبىلىم جانە عىلىم ۆيتسە-ءمينيسترى رۇستەم بيعاري.
سونىمەن قاتار مەموراندۋمعا سايكەس Mail.KZ مينيسترلىككە وتەۋسىز نەگىزدە ۇلتتىق ءبىلىم بەرۋ دەرەكتەر بازاسىمەن ينتەگراتسيالانعان mail.kz ۇلتتىق پوشتا سەرۆيسىن، my.edu.kz پايدالانۋشىنىڭ جەكە كابينەتىن ۇسىنادى.
ايتا كەتۋ كەرەك، اتالعان مەموراندۋم 10 ماۋسىمنان باستاپ ءوز كۇشىنە ەندى.
"ادىرنا" ۇلتتىق پورتالى.
