بۇقار جىراۋ اۋدانىندا اۋىل شارۋاشىلىق قىزمەتكەرلەرىنىڭ كۇنىنە ارنالعان ءىس-شارا اياسىندا «Qarmet» اق قىزمەتكەرلەرىنە ازىق-تۇلىك ونىمدەرىن جەتكىزۋ تۋرالى كەلىسىمگە قول قويىلدى. كەلىسىم «Değirmen» جشس مەن «اكنار پف»، «اگروفيرما ازامات» جشس، «نۇر-ءادىل» شارۋا قوجالىقتارى اراسىندا جاسالدى.
بۇل ستراتەگيالىق كەلىسىم جوعارى ساپالى ونىمدەردىڭ تۇراقتى جەتكىزىلۋىن قامتاماسىز ەتۋگە، تاراپتار اراسىنداعى ىسكەرلىك بايلانىستى نىعايتۋعا جانە اۋداننىڭ جەرگىلىكتى وندىرۋشىلەرىن قولداۋعا باعىتتالعان.
ەسكە سالا كەتەيىك، وسى جىلدىڭ قاراشا ايىندا قاراعاندى وبلىسىنىڭ اكىمى ەرماعانبەت قابدۋلاۇلى بولەكپاەۆ «قازاقمىس» جشس جانە «Qarmet» اق باسشىلىعىمەن بىرلەسىپ، جەرگىلىكتى كاسىپكەرلەردەن ازىق-تۇلىك ونىمدەرىن ساتىپ الۋ تۋرالى مەموراندۋمعا قول قويعان بولاتىن.
بۇگىنگى جاسالعان كەلىسىم – اتالعان مەموراندۋمنىڭ ءىس جۇزىندە جۇزەگە اسۋىنىڭ ايقىن دالەلى. الداعى ۋاقىتتا دا اۋدانىمىزدىڭ اۋىل شارۋاشىلىعى تاۋار وندىرۋشىلەرىمەن وسىنداي ناتيجەلى كەلىسىمدەر جالعاسىن تاباتىن بولادى.
