Buqar jyraý aýdanynda aýyl sharýashylyq qyzmetkerleriniń kúnine arnalǵan is-shara aıasynda «Qarmet» AQ qyzmetkerlerine azyq-túlik ónimderin jetkizý týraly kelisimge qol qoıyldy. Kelisim «Değirmen» JShS men «Aknar PF», «Agrofırma Azamat» JShS, «Nur-Ádil» sharýa qojalyqtary arasynda jasaldy.
Bul strategııalyq kelisim joǵary sapaly ónimderdiń turaqty jetkizilýin qamtamasyz etýge, taraptar arasyndaǵy iskerlik baılanysty nyǵaıtýǵa jáne aýdannyń jergilikti óndirýshilerin qoldaýǵa baǵyttalǵan.
Eske sala keteıik, osy jyldyń qarasha aıynda Qaraǵandy oblysynyń ákimi Ermaǵanbet Qabdýlauly Bólekpaev «Qazaqmys» JShS jáne «Qarmet» AQ basshylyǵymen birlesip, jergilikti kásipkerlerden azyq-túlik ónimderin satyp alý týraly memorandýmǵa qol qoıǵan bolatyn.
Búgingi jasalǵan kelisim – atalǵan memorandýmnyń is júzinde júzege asýynyń aıqyn dáleli. Aldaǵy ýaqytta da aýdanymyzdyń aýyl sharýashylyǵy taýar óndirýshilerimen osyndaı nátıjeli kelisimder jalǵasyn tabatyn bolady.
