الماتى قالاسىنىڭ بيۋدجەتىن ناقتىلاۋ بيۋدجەتتىك باعدارلامالار اكىمشىلەرى اراسىندا قاراجاتتى ىشكى قايتا ءبولۋ ەسەبىنەن جۇرگىزىلەدى. بۇل تۋرالى ءماسليحاتتىڭ كەزەكتى سەسسياسىندا الماتى قارجى باسقارماسىنىڭ باسشىسى قانات سۋحامبەكوۆ مالىمدەدى.
ونىڭ ايتۋىنشا، بيۋدجەتتىڭ كىرىس جانە شىعىس بولىگى 82,9 ملرد تەڭگەگە، ونىڭ ىشىندە مەملەكەتتىك ساتىپ الۋ قورىتىندىلارى بويىنشا ۇنەمدەۋ ەسەبىنەن – 18,1 ملرد تەڭگەگە، سونداي-اق كەلەسى جىلعا 57,9 ملرد تەڭگە كولەمىندە قاراجات اۋدارۋ ەسەبىنەن ازايتىلاتىن بولادى.
«2025 جىلعا قاراجات اۋدارۋدىڭ نەگىزگى سەبەپتەرى – مەردىگەرلەردىڭ شارتتىق مىندەتتەمەلەردى تيىسىنشە ورىنداماۋى، كونكۋرستىق راسىمدەردى ۇزاق ۋاقىت وتكىزۋ»، - دەپ اتاپ ءوتتى قانات سۋحامبەكوۆ، جاڭا باستامالار بويىنشا جۇمىس قارقىنىنىڭ وزىپ كەتۋىنە بايلانىستى قوسىمشا 21,3 ملرد تەڭگە بولىنەتىنىن، ولار الەۋمەتتىك ماڭىزى بار جوبالار مەن ءىس – شارالاردى قوسىمشا قارجىلاندىرۋعا باعىتتالاتىنىن ايتتى.
