پوليتسيا دەپارتامەنتى بەرگەن مالىمەتىنشە، الماتىعا كوشەلەرىن قار باسۋىنا بايلانىستى 11 جەلتوقسان ساعات 20:00-دەن 12 جەلتوقسان تاڭعى ساعات 06:00 ارالىعىندا الماتى جولدارىندا 33 جول-كولىك وقيعاسى تىركەلدى. ءتورت اپاتتان ادامدار جاراقات العان، دەپ حابارلايدى «ادىرنا» ۇلتتىق پورتالى.
«قازاۆتوجولدىڭ» جاعداياتتىق ورتالىعى مەگاپوليس ماڭىندا ماشينا مەن قوعامدىق كولىك قوزعالىسى شەكتەلگەنىن حابارلادى.
ءتارتىپ ساقشىلارى جۇرگىزۋشىلەردەن اسا ساق بولۋدى سۇرادى.
«سونىمەن قاتار، اۋا رايىنىڭ ناشارلاۋىنا جانە قار جاۋىنا، اۋا تەمپەراتۋراسىنىڭ تومەندەۋىنە بايلانىستى جول قاۋىپسىزدىگىن قامتاماسىز ەتۋ ماقساتىندا جۇرگىزۋشىلەر مەن كولىك يەلەرىن كولىك دوڭگەلەكتەرىن قىسقىسىنا اۋىستىرۋدى شاقىرامىز»، - دەدى الماتى قالالىق پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى سەرىك شۋماەۆ.
قازگيدرومەتتىڭ بولجاۋىنشا، الداعى بىرنەشە كۇن الماتىدا اياز بولادى. بۇگىن سىناپ باعانى 13 گرادۋسقا تومەندەسە، ەرتەڭ 20 گرادۋسقا دەيىن، ال تۇندە 25 گرادۋسقا دەين تومەندەيدى.
«ادىرنا» ۇلتتىق پورتالى
