الماتىنىڭ اۋەزوۆ اۋدانىندا تۇرعىندارعا اۋلاسى مەن قوعامدىق كەڭىستىگىن دامىتۋعا تىكەلەي قاتىسۋعا مۇمكىندىك بەرەتىن «حالىق قاتىساتىن بيۋدجەت» باعدارلاماسى اياسىنداعى جوبالاردى جۇزەگە اسىرۋ جالعاسۋدا. بيىل اۋداندا 29 جوبا جۇزەگە اسىرىلىپ جاتىر.
اتاپ ايتقاندا، جاندوسوۆ جانە داۋلەنوۆ كوشەلەرىنىڭ قيىلىسىندا وتباسىلىق دەمالىس پەن سپورتپەن شۇعىلدانۋعا ارنالعان زاماناۋي قوعامدىق كەڭىستىك قۇرىلدى. كوركەيتۋ جۇمىستارى اياسىندا مۇندا شاعىن ساۋلەت نىساندارى مەن سىرتقى جارىقتاندىرۋ باعانالارى ورناتىلىپ، زاماناۋي بالالار ويىن كەشەندەرى، سپورت جانە ۆوركاۋت ايماقتارى جابدىقتالدى، سونداي-اق اۋماقتىڭ جابىنى جاڭارتىلدى.
اۋدان تۇرعىنى عابيت تۇرسىنباەۆانىڭ ايتۋىنشا، كوركەيتۋ جۇمىستارى اياقتالعاننان كەيىن تۇرعىندار جاڭا الاڭدا ءجيى سەرۋەندەيتىن بولعان.
«بالالارعا ويىن الاڭى وتە ۇنايدى، ولار ويناپ جۇرگەندە مەن دە الاڭداماي سپورتپەن اينالىسا الامىن. بۇكىل وتباسى ءۇشىن شىنىمەن دە زاماناۋي ءارى جايلى دەمالىس ورنى پايدا بولدى»، – دەدى ول.
تاعى ءبىر جوبا تاستاق-1 شاعىناۋدانىندا جۇزەگە اسىرىلدى. مۇندا №24 جانە №26 ۇيلەردىڭ اۋلا اۋماقتارىن كەشەندى كوركەيتۋ جۇمىستارى اياقتالدى.
جۇمىس بارىسىندا ءار جاستاعى بالالارعا ارنالعان زاماناۋي ويىن كەشەندەرى، اتكەنشەكتەر، كارۋسەلدەر، تەپە-تەڭدىك قۇرالدارى، باتۋتتار جانە باسقا دا ويىن ەلەمەنتتەرى بار جاڭا ويىن الاڭدارى پايدا بولدى. تۇرعىنداردىڭ دەمالىسى ءۇشىن كۇركەلەر ورناتىلىپ، سپورت جانە ۆوركاۋت الاڭدارى جابدىقتالدى. سونىمەن قاتار اۋماقتىڭ جابىنى جاڭارتىلىپ، زاماناۋي سىرتقى جارىقتاندىرۋ جۇيەسى ورناتىلدى. بۇل اۋلالاردى تۇرعىندار ءۇشىن بارىنشا جايلى ءارى قاۋىپسىز ەتۋگە مۇمكىندىك بەردى.
بۇگىندە كورىكتەندىرىلگەن اۋماق تۇرعىنداردىڭ كۇندەلىكتى دەمالىسىنا ارنالعان تولىققاندى كەڭىستىككە اينالدى.
ء«بىزدىڭ اۋلامىز ادام تانىماستاي وزگەردى. ەندى مۇندا بۇكىل وتباسىمىزبەن ۋاقىت وتكىزەمىز: بالالار جاڭا الاڭداردا وينايدى، ءبىز كورشىلەرىمىزبەن كەشكى ۋاقىتتا دەمالامىز، ال مەن نەمەرەلەرىممەن ءجيى سەرۋەندەيمىن. ءۇيىمىزدىڭ جانىندا وسىنداي جايلى ءارى زاماناۋي كەڭىستىكتىڭ پايدا بولعانىنا قۋانىشتىمىن»، – دەدى اۋدان تۇرعىنى ءۇمىت وسپانوۆا.
اۋەزوۆ اۋدانىنداعى كوركەيتۋ جۇمىستارى جالعاسۋدا. «حالىق قاتىساتىن بيۋدجەت» باعدارلاماسى اياسىنداعى جوبالاردى جۇزەگە اسىرۋ تۇرعىنداردىڭ ۇسىنىسىن ەسكەرىپ، دەمالىس، سپورت جانە بوس ۋاقىتتى وتكىزۋگە ارنالعان زاماناۋي، قاۋىپسىز ءارى جايلى كەڭىستىكتەر قۇرۋعا مۇمكىندىك بەرەدى.
