اقتاۋدا «قازمۇنايگاز» ۇك اق ەنشىلەس كاسىپورنى «Oil Construction» كومپانياسىنىڭ جۇمىسشىلارى ەرەۋىلگە شىقتى، دەپ حابارلايدى "ادىرنا" ۇلتتىق پورتالى.
50-دەن استام جۇمىسشى قالا كوشەلەرىنە شىعىپ، 11-12-شاعىن اۋداندار اراسىنداعى كولىك قوزعالىسىن توقتاتۋعا تىرىسقان. بەينە الەۋمەتتىك جەلىدە تارادى.
ماڭعىستاۋ وبلىسىنىڭ پوليتسەيلەرى ەرەۋىلشىلەر جولدى بوگەمەگەنىن حابارلاعان. ۆەدومستۆو قوعامدىق ءتارتىپتى قاۋىپسىزدىك كۇشتەرى قامتاماسىز ەتكەنىن دە اتاپ ءوتتى.
ال قالالىق اكىمدىك جاعداي بارىسىنا توقتالۋدان باس تارتتى.
«قازمۇنايگاز» ۇك» اق ءباسپاسوز قىزمەتى:
«55 ادامدى بىردەن شتاتقا اۋىستىرۋ «Oil Construction Company» جشس-دە بوس جۇمىس ورىندارىنىڭ بولماۋىنا بايلانىستى مۇمكىن ەمەس. قىزمەتكەرلەردى اۋىستىرۋ بوس جۇمىس ورىندارى بولعان جاعدايدا كەزەڭ-كەزەڭىمەن جۇزەگە اسىرىلادى. سونداي-اق وسى ماسەلە بويىنشا 2024 جىلدىڭ جەلتوقسان ايىندا Samruk Bussines Academy اۋتستاففينگ قىزمەتكەرلەرىمەن كەزدەسۋ جوسپارلانعان. ءبىز ءوز كەزەگىندە قىزمەتكەرلەردى قازاقستان رەسپۋبليكاسىنىڭ قولدانىستاعى زاڭناماسىن ساقتاۋعا جانە تۋىنداعان ماسەلەلەردى سىندارلى ديالوگ ارقىلى شەشۋگە شاقىرامىز»، - دەپ مالىمدەدى.
ايتا كەتەيىك، ماڭعىستاۋ وبلىسىنداعى جاڭاوزەندە "وزەنمۇنايگازعا" قاراستى "بۇرعىلاۋ جۇمىستارى باسقارماسى"(بجب) كومپانياسىنىڭ جۇمىسشىلارى ەرەۋىلگە شىققان بولاتىن.
