Aqtaýda «QazMunaıGaz» UK AQ enshiles kásiporny «Oil Construction» kompanııasynyń jumysshylary ereýilge shyqty, dep habarlaıdy "Adyrna" ulttyq portaly.
50-den astam jumysshy qala kóshelerine shyǵyp, 11-12-shaǵyn aýdandar arasyndaǵy kólik qozǵalysyn toqtatýǵa tyrysqan. Beıne áleýmettik jelide tarady.
Mańǵystaý oblysynyń polıeıleri ereýilshiler joldy bógemegenin habarlaǵan. Vedomstvo qoǵamdyq tártipti qaýipsizdik kúshteri qamtamasyz etkenin de atap ótti.
Al qalalyq ákimdik jaǵdaı barysyna toqtalýdan bas tartty.
«QazMunaıGaz» UK» AQ baspasóz qyzmeti:
«55 adamdy birden shtatqa aýystyrý «Oil Construction Company» JShS-de bos jumys oryndarynyń bolmaýyna baılanysty múmkin emes. Qyzmetkerlerdi aýystyrý bos jumys oryndary bolǵan jaǵdaıda kezeń-kezeńimen júzege asyrylady. Sondaı-aq osy másele boıynsha 2024 jyldyń jeltoqsan aıynda Samruk Bussines Academy aýtstaffıng qyzmetkerlerimen kezdesý josparlanǵan. Biz óz kezeginde qyzmetkerlerdi Qazaqstan Respýblıkasynyń qoldanystaǵy zańnamasyn saqtaýǵa jáne týyndaǵan máselelerdi syndarly dıalog arqyly sheshýge shaqyramyz», - dep málimdedi.
Aıta keteıik, Mańǵystaý oblysyndaǵy Jańaózende "Ózenmunaıgazǵa" qarasty "Burǵylaý jumystary basqarmasy"(BJB) kompanııasynyń jumysshylary ereýilge shyqqan bolatyn.
