ءدۇر دۇنيە ءدۇر سىلكىندى. سىلكىنتىپ تاستادى. ۋا داريعا ارمان جۇرەك، ءتاڭىر بەرگەن ورىندالعان تىلەك وسى شىعار!؟ گيمنازيا ەمەس يا بولماسا بايدىڭ بالاسى ەمەس، شەندىنىڭ دە ەمەس، اۋىلدىڭ ورتا مەكتەبىندە وقيتىن شارۋا باققانداردىڭ بالاسى يتالياعا بارىپ روبوتوتەحنيكا بويىنشا باس جۇلدەنى جەڭىپ الدى.
بۇل اۋىل كيەلى اۋىل!..
ويتكەنى، سوناۋ ساق زامانىندا وسى ابىلاي حان اۋىلىنىڭ ورنىندا الىپ شاھار بولعان دەگەن بولجام بار. سەبەبى، ەل توڭىرەگىندەگى ەسكى قورىمداردان سول زاماندا ءومىر سۇرگەن حانشايىمدار، پاتشالاردىڭ ۇستانعان زاتتارى تابىلىپ جاتىر. تاريحشىلار سولاي دەيدى. بالكىم سول كەزدەن باستان ارۋاقتى ەل اتانىپ، قىدىر الىكسالامنىڭ تابانى ءتيىپ جەرۇيىق اتانعان بولار.
بۇل اۋىلدان ارعى تاريحتى قوزعايتىن بولساق ۇلى ابىلايدىڭ ءوزى قۇتتى قونىس قىلعان، مامىلەلى ءماجىلىس قۇرىپ، ەلدىڭ تاعدىرىن شەشكەن، تالاپايعا ەلدى تۇسىرمەگەن، رۋحى باسىم ەل بولىپ قالىپتاسقان.
اتىنان اينالايىن بۇركىتتاۋ، اپاقاي قىراتى، تاجىعۇل بايدىڭ جايلاۋى، اقسوراڭ، شاكى كول بۇلاردىڭ بارلىعى ۇلى تاريحتىڭ قويناۋىندا حالىقپەن جاساسىپ جۇرەگىنەن ورىن الىپ كەلە جاتىر. كەيبىر دەرەك تانىمداردا قارايتىن بولساق رۋس يمپەرياسىنىڭ اۋزىنان وت بۇرىككەن زەڭبىرەگىنە قارسى جالاڭ قىلىشپەن شىققان كەنەسارى حان بۇركىتتىنىڭ ەتەگىندە دۇنيەگە كەلدى دەگەن ەل اۋزىندا اڭگىمە بار. ەل قالت ايتپايدى، ەل قاتا ايتپايدى، ەل بىلگەن سوڭ ايتادى. باباسى بالاسىنىڭ قۇلاعىنا ايتىپ
يسا بايزاقوۆ پەن جىر دوداسىنا تۇسكەن قاليا اقىننىڭ جۇباندىقوۆتىڭ تۋعان جەرى، تۇرعان ەلى، ماڭگىلىك مەكەنىنە جاتقان جەرى.
نۇرمياش كوبەنوۆ، ورىنتاي مولداحمەتقىزى، ازان مەن ءامينا اقىنداردىڭ كومەيىنەن مارجانداي جىر توگىلگەن ەلى. قىسقاسى تانىمدى ەل، تاريحي ەل! ارۋاقتى ەل.
سونىمەن اۋىل بالالارى ريمگە بارىپ ۇلكەن ۇلى جەتىستىككە جەڭىسكە جەتتى. ءريمنىڭ تاريحىنا ۇڭىلەتىن بولساق، ىرگەتاسى قالانعانىنا ءۇش مىڭ جىلعا جۋىق. ريم جادىگەرلەرىنىڭ ۇزىن سانىن ەشكىم دە انىق ايتا الماس. وسى عاجايىپ شاھارداعى اۋليە پەتر سوبورى، ۆەنەتسيا سارايى، سيكست كاپەللاسى، كاپيتولي كونسەرۆاتورلار سارايى، ريم فورۋمى، اپي جولى، ترەۆي سۋبۇرقاعى، اۋليە كالليستا كاتاكومباسى، يسپانيا الاڭى، پانتەون، اۋليە پەرىشتە قامالى سياقتى عيماراتتاردىڭ ارقايسىسىن جەكە الىپ ايتساق، بۇل كونە قالانى كورگەندە ارماندا، كورمەگەندە ارماندا. ءيا، بۋرابايدىڭ ەتەگىندە ورنالاسقان ابىلاي –حان اۋىلى بار. ءۇش ءجۇز ءۇي ءتۇتىن تۇتەتىپ وتىر. 1109 تۇرعىنى بار. ون ءبىر جىلدىق ورتا مەكتەبى بار.
ريمدە ۇلى جەڭىسكە جەتكەن كوماندانىڭ اتاۋى-«ابىلايحان»، «Vip QAZAQ». كوماندانىڭ جالپى قۇرامى 3 ويىنشىدان تۇرادى. كاپپاسوۆ ديدار سەريكوۆيچ 17 جاس، قادىرباەۆ ءنۇرالى نۇرلىبايۇلى 17 جاس، جەڭىس ديدار جاسۇلانۇلى 17 جاس. قازىرگى تاڭدا ش.ۋاليحانوۆ اتىنداعى كوكشەتاۋ ۋنيۆەرسيتەتىنىڭ ستۋدەنتتەرى. جەتەكشىسى ابيلجانوۆ نۋرجان گاليەۆيچ، ابىلايحان اتىنداعى قىزىلاعاش اۋىلىنىڭ جالپى ورتا ءبىلىم بەرەتىن مەكتەبىنىڭ ينفورماتيكا ءپانىنىڭ مۇعالىمى، پەداگوگ-ەكسپەرت. 2019 جىلدان باستاپ روبوتوتەحنيكا بويىنشا جۇمىس جاساۋدا. جارىستىڭ اتاۋى: «Fibonacci Robot Olimpiad». وتەتىن ورنى جانە كۇنى: يتاليا-ريم، 22.11-22.11.2024 وتكەن سايىستا الەمنىڭ نازارىن وزدەرىنە قاراتىپ كۇللى ءدۇيىم ەلدى، قاسيەتتى كوكشەتاۋدى ونىڭ ىشىندە بۋراباي اۋدانىنىڭ ەسىمىن پاش ەتتى.
ءيا، قازىرگى كۇنى كۇللى الاش بالاسى بۇل جاڭالىققا شىن نيەتىمەن قۋانىپ جاتىر. بىراق سوناۋ جىلدارى ابىلاي-حان اۋىلى اتانعانمەن كۇنى بۇگىنگە دەيىن "قىزىلاعاش وكرۋگى" دەيدى. وتكەندە الەۋمەتتىك جەلىدە بىرەۋلەر مۇلدەم باسقا اۋداننىڭ «قىزىلاعاش اۋىلىنىڭ بالالارى» دەپ ايتىپ جازىپ جاتىر.
وسىنداي ۇلى جەتىستىككە قول جەتكىزگەن ابىلايحاندىق بالالاردى ۇلى ابىلايدىڭ رۋحى جەبەگەن شىعار. ابىلايحان اتامىزعا قالانىڭ اتاۋىن بەرمەسەك تە، ءبىر اۋىلدىڭ اتاۋىن بەرۋگە بولاتىن شىعار!؟ مىسالى قىزىلاعاش اۋىلدىق وكرۋگى ەمەس –ابىلاي-حان اۋىلدىق وكرۋگى دەپ اتاسا دەيدى اۋىل تۇرعىندارى.
ءبىزدىڭ اۋىلدىڭ بالالارى وسىنداي جەتىستىككە ءوز كۇشتەرىمەن جەتىپ وتىر. ءالى دە العا قىرانداي كوز تىگەدى، سامعايدى تىنىسى اشىلا تۇسەدى. شابا بەر، قۇلاگەردەي كوسىلىپ ەلدىڭ شامنان شىراق جاققان جاستارى. ءتىل-كوزدەن، كوكىرەكتىلەردەن اللا قاعا بەرىس قىلعاي!
ايتپاقشى ابىلايحاندىقتار الەمدى اۋزىنا قاراتقان بالالارىن ارنايى ۇلىقتاپ ۇلى سالتاناتپەن قارسى الدى.
قۋانىشىن قۇتتى بولسىن الاش بالاسى!..
قازاق بالاسى عىلىمدى دا، عالامدى دا، عارىشتى دا باعىندىرادى. بۇل ءسوزسىز. ويتكەنى تەگىندە ەپتىلىك پەن تەكتىلىك بار.
قۋانىش قۇتتى بولسىن بۋرابايلىقتار!!!
بۋرابايدىڭ جەڭىسى
