الاياقتار رەسەيلىكتەرگە قازاقستاندىق ازاماتتىقتى راسىمدەۋ تۋرالى جالعان جارناما تاراتۋدا، دەپ حابارلايدى «ادىرنا» ۇلتتىق پورتالى.
حابارلاندىرۋدا ازاماتتىقتى ساتىپ الۋ مۇمكىندىگى 6500 ەۋرودان باستالاتىنى جانە ءبولىپ تولەۋ مۇمكىندىگى بار ەكەنى ايتىلعان. قازاقستاندىق پاسپورتتىڭ بىرقاتار ارتىقشىلىقتارى بار ەكەنى، سونىڭ ىشىندە تەگىن مەديتسينالىق كومەك، 90 ەلگە ۆيزاسىز كىرۋ جانە ە-2 امەريكالىق ۆيزاسىن الۋ مۇمكىندىگى كورسەتىلگەن.
قازاقستان ءىىم بۇل اقپاراتتى جوققا شىعارىپ، ونى الاياقتىق دەپ اتادى.
"ينتەرنەتتە كەڭەس بەرۋ، قۇجاتتاردى جيناۋ جانە ءىىم ورگاندارىندا بىرقاتار كوشى-قون قىزمەتتەرىن، سونىڭ ىشىندە ازاماتتىق الۋ ءراسىمىن رەسىمدەۋ بويىنشا قىزمەت كورسەتەتىن كومپانيالاردىڭ جارنامالارى جاريالانۋدا. الايدا بۇل فيرمالار ازاماتتىق تا، جەكە باستى كۋالاندىراتىن قۇجاتتار دا بەرمەيدى. وسىعان بايلانىستى ءىىم ينتەرنەت ارقىلى الاياقتىق جاعدايلارى بولۋى مۇمكىن ەكەنىن ەسكەرتەدى،" – دەپ مالىمدەدى مينيسترلىكتىڭ ءباسپاسوز قىزمەتى.
سونداي-اق، ءىىم قازاقستان ازاماتتىعىن الۋدىڭ جالعىز جولى – ىشكى ىستەر ورگاندارىنا جەكە ءوتىنىش بەرۋ ەكەنىن ەسكە سالدى. قۇجاتتار پاكەتىن سەنىمحات بويىنشا نەمەسە ءۇشىنشى تۇلعالار ارقىلى تاپسىرۋعا تىيىم سالىنادى.
