قاراعاندىلىق بەلسەندى نۇرحان نۇرماحانوۆ ءوزىنىڭ جەلىلىك پاراقشاسىندا بالالارىنىڭ تۋ تۋرالى كۋالىگى ورىسشا جازىلعانى ءۇشىن نارازىلىق تانىتىپ، قايتا جاساتقانىن مالىمدەدى، دەپ حابارلايدى "ادىرنا" ءتىلشىسى.
نۇرحان نۇرماحانوۆ بالالارىنا جەرگىلىكتى حقكو-نان تۋ تۋرالى كۋالىك العانىن ايتتى. ۇناماعانى كۋالىكتەگى مالىمەتتەر ورىس تىلىندە ۇسىنىلعان ەكەن.
"نەگە قازاقشا جازبايسىز دەدىم. ولار ماعان "كاكايا رازنيتسا" دەپ قارسى شىقتى. باسقالارى بۇلاي سۇرامايدى عوي دەدى ماعان. باسقا قازاقستار سورلى بولعانىنا مەن كىنالى ەمەسپىن دەدىم" دەدى ول.
ارتىنشا ول قۇجاتتى قايتا جاساتىپ، قازاق ءتىلدى نۇسقاسىن العانىن ايتىپ، حالىقتى قازاق تىلىندە قىزمەت كورسەتۋدى سۇراتۋدى، انا ءتىلىمىزدىڭ مارتەبەسىن ءوز كۇشىمىزبەن وسىلايشا كوتەرۋگە شاقىردى.
