Alaiaqtar reseilıkterge qazaqstandyq azamattyqty räsımdeu turaly jalǧan jarnama taratuda, dep habarlaidy «Adyrna» ūlttyq portaly.
Habarlandyruda azamattyqty satyp alu mümkındıgı 6500 eurodan bastalatyny jäne bölıp töleu mümkındıgı bar ekenı aitylǧan. Qazaqstandyq pasporttyŋ bırqatar artyqşylyqtary bar ekenı, sonyŋ ışınde tegın medisinalyq kömek, 90 elge vizasyz kıru jäne E-2 amerikalyq vizasyn alu mümkındıgı körsetılgen.
Qazaqstan IIM būl aqparatty joqqa şyǧaryp, ony alaiaqtyq dep atady.
"İnternette keŋes beru, qūjattardy jinau jäne IIM organdarynda bırqatar köşı-qon qyzmetterın, sonyŋ ışınde azamattyq alu räsımın resımdeu boiynşa qyzmet körsetetın kompaniialardyŋ jarnamalary jariialanuda. Alaida būl firmalar azamattyq ta, jeke basty kuälandyratyn qūjattar da bermeidı. Osyǧan bailanysty IIM internet arqyly alaiaqtyq jaǧdailary boluy mümkın ekenın eskertedı," – dep mälımdedı ministrlıktıŋ baspasöz qyzmetı.
Sondai-aq, IIM Qazaqstan azamattyǧyn aludyŋ jalǧyz joly – ışkı ıster organdaryna jeke ötınış beru ekenın eske saldy. Qūjattar paketın senımhat boiynşa nemese üşınşı tūlǧalar arqyly tapsyruǧa tyiym salynady.
Ūqsas jaŋalyqtar
