قايتا قۇرۋ جانە دامۋ جونىندەگى حالىقارالىق بانك قازاقستانعا 11 جىلعا قارىز بەرەدى. بۇل تۋرالى زاڭ جوباسىن ءماجىلىس دەپۋتاتتارى قاراۋعا قابىلدادى، دەپ حابارلايدى "ادىرنا" ۇلتتىق پورتالى.
ءماجىلىس دەپۋتاتى تاتيانا ساۆەلەۆانىڭ ايتۋىنشا، قازاقستان مەن قايتا قۇرۋ جانە دامۋ جونىندەگى حالىقارالىق بانك اراسىنداعى قارىز تۋرالى كەلىسىمدى راتيفيكاتسيالاۋ تۋرالى زاڭ جوباسى ۇكىمەتتىڭ 2024 جىلعى 18 قاراشاداعى قاۋلىسىمەن ەنگىزىلگەن. كەلىسىم 2024 جىلعى 11 قازاندا استانادا جاسالعان.
"قايتا قۇرۋ جانە دامۋ جونىندەگى حالىقارالىق بانكتىڭ قارىزى قازاقستان رەسپۋبليكاسىنا 84,9 ميلليارد يەن (شامامەن 270,8 ميلليارد تەڭگە) سوماسىندا 11 جىل مەرزىمگە بەرىلەدى. قارىز قاراجاتى ەل ەكونوميكاسىنىڭ تۇراقتىلىعىن قامتاماسىز ەتۋ ءۇشىن رەسپۋبليكالىق بيۋدجەتتىڭ بەكىتىلگەن تاپشىلىعىن قارجىلاندىرۋعا جۇمسالادى", – دەدى تاتيانا ساۆەلەۆا ءماجىلىستىڭ جالپى وتىرىسىندا.
قارجى جانە بيۋدجەت كوميتەتى وسى زاڭ جوباسى بويىنشا قورىتىندى دايىندايدى.
