Qaıta qurý jáne damý jónindegi halyqaralyq bank Qazaqstanǵa 11 jylǵa qaryz beredi. Bul týraly zań jobasyn Májilis depýtattary qaraýǵa qabyldady, dep habarlaıdy "Adyrna" ulttyq portaly.
Májilis depýtaty Tatıana Savelevanyń aıtýynsha, Qazaqstan men Qaıta qurý jáne damý jónindegi halyqaralyq bank arasyndaǵy qaryz týraly kelisimdi ratıfıkaııalaý týraly zań jobasy Úkimettiń 2024 jylǵy 18 qarashadaǵy qaýlysymen engizilgen. Kelisim 2024 jylǵy 11 qazanda Astanada jasalǵan.
"Qaıta qurý jáne damý jónindegi halyqaralyq banktiń qaryzy Qazaqstan Respýblıkasyna 84,9 mıllıard ıen (shamamen 270,8 mıllıard teńge) somasynda 11 jyl merzimge beriledi. Qaryz qarajaty el ekonomıkasynyń turaqtylyǵyn qamtamasyz etý úshin respýblıkalyq bıýdjettiń bekitilgen tapshylyǵyn qarjylandyrýǵa jumsalady", – dedi Tatıana Saveleva Májilistiń jalpy otyrysynda.
Qarjy jáne bıýdjet komıteti osy zań jobasy boıynsha qorytyndy daıyndaıdy.
