20 قاراشا كۇنى استانا ۋاقىتىمەن 03:53-تە قىرعىزستان اۋماعىندا جەر سىلكىنىسى تىركەلدى، دەپ حابارلايدى "ادىرنا" ۇلتتىق پورتالى.
جەر سىلكىنىسىنىڭ ەپيتسەنترى الماتىدان 689 شاقىرىم جەردە ورنالاسقان. قازاقستاننىڭ يگى ۇياو ۇلتتىق دەرەكتەر ورتالىعىنىڭ مالىمەتىنشە، جەر استى ءدۇمپۋىنىڭ ماگنيتۋداسى 4,6-عا تەڭ بولعان.
قازاقستاننىڭ توتەنشە جاعدايلار مينيسترلىگىنىڭ مالىمدەۋىنشە، جەر سىلكىنىسى قازاقستان اۋماعىندا سەزىلمەگەن.
بۇعان دەيىن 5 قاراشا كۇنى الماتى وبلىسى مەن الماتى قالاسىندا 3 باللدىق جەر سىلكىنىسى تىركەلگەنى تۋرالى جازعان ەدىك.
