اقمولا وبلىسىنىڭ اكىمى مارات احمەتجانوۆ 22 جاستاعى ەر ادامنىڭ ولىمىنە قاتىستى پىكىر بىلدىرگەن، دەپ حابارلايدى "ادىرنا" ۇلتتىق پورتالى.
sinegor.kz سايتىندا جاريالانعان اقپاراتقا سايكەس، 12 قاراشا كۇنى كوكشەتاۋ قالاسىندا بولعان وقيعا سول ايماقتى عانا ەمەس، بۇكىل ەلدى ءدۇر سىلكىندىردى. وتاۋ قۇرعان جاس جىگىتتى ءدال تويى بولاتىن كۇنى كوكشەتاۋداعى ويىن-ساۋىق ورتالىقتارىنىڭ بىرىندە ءولتىرىپ كەتكەن. مەكەمە باسشىسى قايعىلى وقيعانىڭ 1,5 مينۋتتا بولعانىن ايتادى.
كوپشىلىك كۇزەتشىلەردىڭ قايدا قاراعانىن جانە جاعدايدى نەگە باقىلاماعانىنا نارازى.
وبلىس اكىمى ازاماتتاردىڭ قاۋىپسىز دەمالۋى ءۇشىن بارلىق ويىن-ساۋىق مەكەمەلەرىنە بەلگىلى تالاپتار قويىلعانىن اتاپ ءوتتى.
"قىلمىستىق ءىس اياسىندا مەكەمە باسشىلىعى قانداي ولقىلىقتارعا جول بەرگەنى، ياعني كۇزەتشىلەردىڭ قاي جەردە بولعانى، نەلىكتەن قۇقىق قورعاۋ ورگاندارىنا ۋاقىتىندا حابارلاماعاندىعى جانە ت.ب. جايتتار انىقتالاتىن بولادى" – دەدى احمەتجانوۆ.
ۇقساس جاڭالىقتار
