اقتوبەدە قورعانىس مينيسترلىگىنە تيەسىلى تىكۇشاق اپاتقا ۇشىرادى. قازىر وقيعاعا قاتىستى قىلمىستىق ءىس قوزعالعان، دەپ حابارلايدى "ادىرنا" ۇلتتىق پورتالى.
"اقتوبە وبلىسىنداعى اەرودروم اۋماعىندا وقۋ-جاتتىعۋ ۇشۋلارىن ورىنداۋ كەزىندە مي-8 تىكۇشاعى قاتتى قونىپ، ارتىنشا وتىن باكتارى ورتەنگەن. وسى فاكتى بويىنشا قىلمىستىق ءىس قوزعالدى. وقيعا ورنىندا تەرگەۋ ورگاندارى جۇمىس ىستەپ جاتىر", – دەپ حابارلادى قر ءىىم ءاتد باتىس وڭىرلىك اسكەري-تەرگەۋ باسقارماسى.
ايتا كەتەيىك، بۇگىن مارتوك اۋدانىنىڭ حلەبوداروۆكا اۋىلى ماڭىندا تىكۇشاق قۇلادى. بورتتا بولعان ءۇش ادامنىڭ ەكەۋى اۋرۋحاناعا جەتكىزىلگەن. ال ءبىر ادام وقيعا ورنىندا كوز جۇمدى.
