اقتوبە وبلىسىنىڭ ىرعىز اۋدانىنداعى سۋ باسقان نۇرا اۋىلىندا ايەل جۇكتىلىكتىڭ 36 اپتاسىندا مەرزىمىنەن بۇرىن بوساندى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اۋىل اۋدان ورتالىعىنان 90 كم قاشىقتىقتا ورنالاسقان. تاسقىننىڭ سالدارىنان جول جابىق.
وبلىستىق دەنساۋلىق ساقتاۋ باسقارماسىنىڭ جىبەرگەن اكۋشەر - گينەكولوگ، انەستەزيولوگ-رەانيماتولوگتان قۇرالعان بريگادا مەجەلى جەرگە دەيىن بارا المادى.
اۋىل دارىگەرلەرى انانى ءوز بەتتەرىنشە بوساندىرۋىنا تۋرا كەلدى. جۇكتى ايەل دارىگەرلىك امبۋلاتورياعا جەتكىزىلدى. جالپى تاجىريبەلىك دارىگەر مەن مەدبيكەنىڭ قاتىسۋىمەن ايەل ءساتتى بوساندى.
سالماعى 2.8 كگ جانە 3.50 كگ بولاتىن ەگىز قىز دۇنيەگە كەلدى.
قازىرگى ۋاقىتتا انا مەن جاڭا تۋعان نارەستەلەردىڭ جاعدايى جاقسى. ولار قاجەتتى مەديتسينالىق كومەكپەن قامتاماسىز ەتىلگەن. قورعانىس مينيسترلىگىڭ تىكۇشاعى انا مەن بالانى اۋدان ورتالىعىنداعى اۋرۋحاناعا جەتكىزدى.
