Ақтөбеде қорғаныс министрлігіне тиесілі тікұшақ апатқа ұшырады. Қазір оқиғаға қатысты қылмыстық іс қозғалған, деп хабарлайды "Адырна" ұлттық порталы.
"Ақтөбе облысындағы аэродром аумағында оқу-жаттығу ұшуларын орындау кезінде МИ-8 тікұшағы қатты қонып, артынша отын бактары өртенген. Осы факті бойынша қылмыстық іс қозғалды. Оқиға орнында тергеу органдары жұмыс істеп жатыр", – деп хабарлады ҚР ІІМ ӘТД Батыс өңірлік әскери-тергеу басқармасы.
Айта кетейік, бүгін Мартөк ауданының Хлебодаровка ауылы маңында тікұшақ құлады. Бортта болған үш адамның екеуі ауруханаға жеткізілген. Ал бір адам оқиға орнында көз жұмды.
