قورعانىس ءمينيسترى داۋرەن قوسانوۆ قازاقستان ارمياسىندا بولىپ جاتقان الىمجەتتىك پەن زاڭسىز ارەكەتتەر جايلى ەشتەڭە بىلمەيتىن بولىپ شىقتى. بۇل تۋرالى ول جۋرناليستەردىڭ ساۋالىنا بەرگەن جاۋابىندا ايتتى، دەپ حابارلايدى "ادىرنا".
«قانداي زاڭسىزدىق؟ الىمجەتتىك دەگەن اسكەردە اتىمەن جوق!»- دەدى قوسانوۆ.
جۋرناليستەر قازاقستان اسكەرىندە اي سايىن قازا تاۋىپ جاتقان ساربازدار جايىن جەتكىزدى. بۇعان قوسانوۆ كۇلە جاۋاپ قاتتى:
«ا، سولاي ما نە؟!»- دەدى قورعانىس مينيسترلىگىنىڭ باسشىسى مىسقىلداپ.
ەستەرىڭىزگە سالا كەتەيىك،10 قاراشا كۇنى استانادا قازا تاپقان جانە زارداپ شەككەن ساربازداردىڭ انالارى اسكەردە تۇبەگەيلى رەفورما جۇرگىزۋدى تالاپ ەتىپ، نارازىلىق بىلدىرگەن بولاتىن. سونداي-اق ەل ۇكىمەتىنە بىرقاتار تالاپ قويدى.
قازاقستاننىڭ قورعانىس مينيسترلىگى انالارعا جاۋاپ بەرىپ، اسكەري قاۋىپسىزدىككە ءجىتى كوڭىل بولىنەدى دەپ ايتتى.
