يلون ماسك ۋكرايناداعى سوعىستىڭ جاقىن ارادا اياقتالاتىنىن بولجادى، دەپ حابارلايدى "ادىرنا" ۇلتتىق پورتالى.
كاسىپكەر بۇل تۋرالى الەۋمەتتىك جەلىدە جازدى.
يلون ماسك Newsweek-ءتىڭ جاڭالىعىنا پىكىر ءبىلدىردى. وندا ترامپ رەسەي مەن ۋكراينا اراسىنداعى مايدان شەبىندە 800 ميلدىك دەميليتاريزاتسيالانعان ايماق قۇراتىنى ايتىلدى.
"جاقىندا ماعىناسىز كىسى ءولتىرۋ اياقتالادى. سوعىس ءورتىن تۇتاتۋشىلار مەن الىپساتارلاردىڭ ۋاقىتى ءبىتتى", - دەپ جازدى ماسك ح جەلىسىندە.دونالد ترامپ NBC تەلەارناسىنا بەرگەن سۇحباتىندا اقش پرەزيدەنتىن سايلاۋدا جەڭىسكە جەتكەننەن كەيىن رەسەي پرەزيدەنتى ۆلاديمير پۋتينمەن ءالى سويلەسپەگەنىن ايتقان بولاتىن. ايتا كەتەيىك، 7 قاراشا كۇنى ۆالداي فورۋمىندا پۋتين دونالد ترامپتى اقش پرەزيدەنتتىك سايلاۋىنداعى جەڭىسىمەن اشىق تۇردە قۇتتىقتاۋعا ءماجبۇر بولعانى حابارلانعان ەدى.
ۇقساس جاڭالىقتار
