Илон Маск Украинадағы соғыстың жақын арада аяқталатынын болжады, деп хабарлайды "Адырна" ұлттық порталы.
Кәсіпкер бұл туралы әлеуметтік желіде жазды.
Илон Маск Newsweek-тің жаңалығына пікір білдірді. Онда Трамп Ресей мен Украина арасындағы майдан шебінде 800 мильдік демилитаризацияланған аймақ құратыны айтылды.
"Жақында мағынасыз кісі өлтіру аяқталады. Соғыс өртін тұтатушылар мен алыпсатарлардың уақыты бітті", - деп жазды Маск Х желісінде.Дональд Трамп NBC телеарнасына берген сұхбатында АҚШ президентін сайлауда жеңіске жеткеннен кейін Ресей президенті Владимир Путинмен әлі сөйлеспегенін айтқан болатын. Айта кетейік, 7 қараша күні Валдай форумында Путин Дональд Трампты АҚШ президенттік сайлауындағы жеңісімен ашық түрде құттықтауға мәжбүр болғаны хабарланған еді.
Ұқсас жаңалықтар
