استانا قالاسى اكىمدىگىنىڭ مۋزىكالىق جاس كورەرمەن تەاترى 2024 جىلدىڭ 9, 10 قاراشا كۇندەرى ساعات 19:00-دە جۇسىپبەك ايماۋىتوۆتىڭ «سىلاڭ قىز» اتتى مۋزىكالىق كومەديا جانرىنداعى قويىلىمىنىڭ پرەمەراسىن كورەرمەن نازارىنا ۇسىنادى.
حح عاسىر باسىنداعى قازاق اۋىلىنىڭ ءومىر شىندىعى مەن ەل تاريحىنداعى ارقيلى وقيعالار سۋرەتتەلگەن ساتيرالىق شىعارما – «سىلاڭ قىز».
اۆتور شىعارماسىندا رۋحاني مەشەۋلىكتى شەنەيدى، وقۋ-ءبىلىمدى دارىپتەيدى. قازاقتىڭ ازاتتىعىن، تەڭدىگىن اڭسايدى.
پەساداعى تارتىس- وتكىر، حاراكتەرلەر - ارقيلى، الەۋمەتتىك قايشىلىق-ايقىن، وبرازدار - دارا.
كومەديالىق قويىلىمدا ءناپسى تۇتقىنىنداعى ادامداردىڭ ءمىنىن، مىنەزىن ازىلمەن ءاجۋالاۋ ارقىلى ادام بويىنداعى كەمشىلىكتەردەن (ونىڭ ءسوزى، ءىسى، ءناپسىسى) ارىلۋ كوزدەلگەن.
جۇسىپبەك ايماۋىتوۆتىڭ شىعارماسىندا ءوز زامانىنىڭ عانا ەمەس، بۇگىنگى ادامزات قوعامىنىڭ دا كارتيناسى بار.
