استانادا «بايتاق» جاسىلدار پارتياسىنىڭ رەسپۋبليكالىق IV سەزى ءوتىپ جاتىر. جيىندا ءسوز العان پارتيانىڭ تورعاسى ازاماتحان ءامىرتاي ماڭىزدى مالىمدەمەلەر جاسادى.
ول ماڭىزدى ماسەلەلەردى كوتەرە كەلە، پرەزيدەنت ءوزىنىڭ جولداۋىندا قازاقستاندى جاسىل ەلگە اينالدىرۋ جايلى ايتقانىن، ەندى سونى ورىنداۋ پارتيانىڭ باستى جۇمىسى ەكەنىن ايتتى.
«پرەزيدەنت حالىققا جولداۋى كەزىندە: ءبىز جاسىل ەل بولامىز» دەدى. ول بىزگە بەرىلگەن سيگنال. ءبىز حالىقتىڭ اراسىندا ءجۇرىپ ەلدى ەكولوگيالىق مادەنيەتكە تاربيەلەۋىمىز كەرەك. ءبىزدىڭ باعىتىمىز ايقىن، ەندى تەك سول ماقساتتا جۇمىس جۇرگىزە بەرۋىمىز كەرەك، قۇرمەتتى دەلەگاتتار! 2022 جىلى 28 قاراشادام بەز مەملەكەتتىك تىركەۋدەن وتتىك. وسى 3 جىلدىڭ ىشىندە كوپتەگەن جۇمىستار اتقارىلدى. 17 وبلىس، رەسپۋبليكالىق ماڭىزى بار 3 قالادا، 198 اۋداننىڭ، 150 اۋدانىندا فيليالدار مەن بولىمشەلەر اشىلدى. بۇگىنگى كۇنى ءبىزدىڭ پارتيامىزدىڭ 110 مىڭ مۇشەسى بار»، — دەدى پارتيا توراعاسى ازاماتحان ءامىرتاي.
سەزد بارىسىندا پارتيانىڭ 2026 جىلعى كۇردەلى ساياسي ماۋسىمعا ارنالعان جۇمىس جوسپارلارى تانىستىرىلىپ، ەلىمىزدىڭ ەكولوگيالىق ساياساتىنا قاتىستى جاڭا ءىرى باستامالار تالقىلانادى، سونداي-اق پارتيا دامۋىنىڭ ستراتەگيالىق باعىتتارى ۇسىنىلادى.
پارتيانىڭ 110 مىڭ مۇشەسىنىڭ اتىنان قاتىساتىن سەزد دەلەگاتتارى بەلگىلى قوعام قايراتكەرى ولجاس سۇلەيمەنوۆتى نوبەل بەيبىتشىلىك پرەمياسىنا ۇسىنۋدى قولداۋ تۋرالى رەزوليۋتسيا قابىلدادى.
«بۇگىنگى كۇنى ءبىز ەكولوگيالىق جاسىل ەكونوميكانى دامىتۋدا كوپتەگەن ىستەر اتقاردىق. سونداي-اق، ەكولوگيا سالىعىن كوتەرۋ ماقساتىندا، جەراستى قويناۋىن پايدالانىپ وتىرعان مەكەمەلەرمەن تىعىز جۇمىس ىستەپ جاتىرمىز. قازىرگى ۋاقىتتا ءبىزدىڭ ارامىزدا مىقتى ەكولوگتار بار، سونىمەن قاتار پارتيامىزدىڭ ورتالىق اپپاراتىندا جاسىل ساياسات ورتالىعىن قۇردىق. وندا قازاقستاننىڭ ەڭ مىقتى ەكولوگتارى جۇمىس ىستەپ جاتىر. ءبىزدىڭ مەملەكەتپەن جانە بيزنەسپەن اينالىساتىن الاڭىمىز بار. ول قوعامدىق تىڭداۋ. وسى كۇنگە دەيىن 600-گە جۋىق قوعامدىق تىڭداۋعا قاتىستىق. 600-گە جۋىق ەكولوگيالىق باعدارلامالاردى قارادىق. ولاردىڭ كەمشىلىكتەرى مەن سىندارىن تۇزەتتىك. سونىمەن قاتار قوعامدىق باقىلاۋ زاڭى بويىنشا ەكولوگيالىق كوميسسيا قۇرىپ، الماتىداعى حيميالىق وڭدەۋدى بيولوگيالىق وڭدەۋگە اۋىستىردىق»، — دەدى «بايتاق» جاسىلدار پارتياسىنىڭ توراعاسى.
پارتيا 2026 جىلى ەلدىڭ ەكولوگيالىق قاۋىپسىزدىگىن قامتاماسىز ەتۋ جانە تۇراقتى دامۋ ساياساتىن ىسكە اسىرۋ ماقساتىندا ەكولوگيا جانە تابيعي رەسۋرستار ءمينيسترى مەن سۋ رەسۋرستارى جانە يرريگاتسيا ءمينيسترى پورتفەلدەرى ءۇشىن كۇرەسۋدى جوسپارلاپ وتىر. پارتيا ءىرى قالالارداعى، اسىرەسە استانا مەن الماتىداعى جول قوزعالىسى ماسەلەلەرىن جانە ونەركاسىپتىك ورتالىقتارداعى اتموسفەرانىڭ اپاتتى لاستانۋىن شەشۋگە باعىتتالعان ناقتى ۇسىنىستارىن جاريالادى.
«ساياسي باعىتتاردىڭ حالىققا ۇگىت-ناسيحات جۇرگىزۋ ماقساتىندا ەل اۋماعىندا 350-دەي شارا وتكىزدىك. سونداي-اق، قازىرگى تاڭدا دا كوپتەگەن اۋىز تولتىرىپ ايتارلىقتاي جۇمىستار اتقارىلۋدا. پارتيامىزدىڭ جانىنان ايەلدەر قاۋىمداستىعىن اشتىق. بۇگىنگى تاڭدا ايەلدەر اراسىنان جاسىل كوشباسشىنى انىقتاپ جاتىرمىز. ءبىز كوشباسشى قىزدارىمىزدى ءماسليحات، ءماجىلىس دەپۋتاتى قىلامىز. سونىمەن قاتار پارتيامىزدىڭ جانىنان جاستار قاناتىن قۇردىق. بۇگىنگى كۇنى ەلدى ويلايتىن، پاتيروت جاستاردى پارتيامىزعا تارتىپ جاتىرمىز. ولاردىڭ اراسىنان دا كوشباسشىلاردى انىقتايتىن بولامىزسونداي-اق، قازىرگى تاڭدا دا كوپتەگەن اۋىز تولتىرىپ ايتارلىقتاي جۇمىستار اتقارىلۋدا. پارتيامىزدىڭ جانىنان ايەلدەر قاۋىمداستىعىن اشتىق. بۇگىنگى تاڭدا ايەلدەر اراسىنان جاسىل كوشباسشىنى انىقتاپ جاتىرمىز. ءبىز كوشباسشى قىزدارىمىزدى ءماسليحات، ءماجىلىس دەپۋتاتى قىلامىز. سونىمەن قاتار پارتيامىزدىڭ جانىنان جاستار قاناتىن قۇردىق. بۇگىنگى كۇنى ەلدى ويلايتىن، پاتيروت جاستاردى پارتيامىزعا تارتىپ جاتىرمىز. ولاردىڭ اراسىنان دا كقشباسشىلاردى انىقتايتىن بولامىز»، — دەدى پارتيانىڭ جەتەكشىسى.
قازاقستاننىڭ «بايتاق» جاسىلدار پارتياسىنىڭ رەسپۋبليكالىق IV سەزىنە دەپۋتاتتار، قوعام بەلسەندىلەرى، وڭىرلەردەن كەلگەن جۇزدەگەن وكىلدەرى مەن بەلسەندى جاستار قاتىسىپ جاتىر.
