تالعار اۋدانىنىڭ اۋماقتىق سايلاۋ كوميسسياسى جاڭا قالا اكىمىن سايلاۋ كۇنىن بەلگىلەدى. بۇل تۋرالى ورتالىق سايلاۋ كوميسسياسى مالىمدەدى، دەپ حابارلايدى “ادىرنا” ۇلتتىق پورتالى.
“الماتى وبلىسى تالعار اۋدانىنىڭ اۋماقتىق سايلاۋ كوميسسياسى 2024 جىلعى 15 جەلتوقساندا تالعار اۋدانى تالعار قالاسى اكىمىن انىقتاۋ ءۇشىن سايلاۋ وتەتىنىن حابارلايدى”، دەپ جازىلعان ورتالىق سايلاۋ كوميسسياسى سايتىندا جاريالانعان حابارلامادا.
بۇعان دەيىن تالعار قالاسىنىڭ اكىمى باقىت كۇرىشبەكوۆ قىزمەتىنەن بوساتىلعان بولاتىن.
“تالعار قالاسىنىڭ اكىمى باقىت كۇرىشبەكوۆ پەن قالا اكىمىنىڭ ورىنباسارى ساعىندىق ماتان ءوز مىندەتتەرىن تيىسىنشە ورىنداماعانى ءۇشىن قىزمەتتەن بوساتىلدى”، – دەپ مالىمدەدى تالعار اۋدانى اكىمدىگىنىڭ ءباسپاسوز قىزمەتى.
بۇعان قوسا، سەنىپ تاپسىرىلعان اۋماقتا باقىلاۋدى السىرەتكەنى ءۇشىن تالعار اۋدانىنىڭ اكىمى تاڭات ايداربەكوۆكە سوگىس جاريالاندى.
