بۇگىن، 1 شىلدەدە پرەزيدەنت قاسىم-جومارت توقاەۆ «قازاقستان رەسپۋبليكاسى قۇرىلتايىنىڭ سايلاۋىن تاعايىنداۋ تۋرالى» جارلىققا قول قويدى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى كونستيتۋتسياسىنىڭ 46-بابىنىڭ 3) تارماقشاسىنا جانە 95-بابىنىڭ 1-تارماعىنا سايكەس قاۋلى ەتەمىن:
1. قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋ 2026 جىلعى 23 تامىزعا تاعايىندالسىن.
2. قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋعا دايىندىقتى جانە ونى وتكىزۋدى ۇيىمداستىرسىن.
3. قازاقستان رەسپۋبليكاسىنىڭ ۇكىمەتى، استانانىڭ، وبلىستاردىڭ، رەسپۋبليكالىق ماڭىزى بار قالالاردىڭ اكىمدەرى قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋدى ۇيىمداستىرۋشىلىق، ماتەريالدىق-تەحنيكالىق جانە قارجىلىق قامتاماسىز ەتۋ جونىندەگى بارلىق قاجەتتى شارالاردى كىدىرىسسىز قابىلداسىن.
4. وسى جارلىق جاريالانعان كۇنىنەن باستاپ قولدانىسقا ەنگىزىلەدى»،–دەلىنگەن قۇجاتتا.
قازاقستاندا بۇگىن، 1 شىلدەدەن باستاپ جاڭا كونستيتۋتسيا كۇشىنە ەندى. 30 شىلدە كۇنى ەلدىڭ جوعارى جانە تومەنگى پالاتا: ءماجىلىس پەن سەناتتان تۇراتىن پارلامەنتى ءوز جۇمىسىن توقتاتتى. سوڭعى سايلانعان پارلامەنت ءۇش جىل جۇمىس ىستەدى.
