Talǵar aýdanynyń aýmaqtyq saılaý komıssııasy jańa qala ákimin saılaý kúnin belgiledi. Bul týraly ortalyq saılaý komıssııasy málimdedi, dep habarlaıdy “Adyrna” ulttyq portaly.
“Almaty oblysy Talǵar aýdanynyń aýmaqtyq saılaý komıssııasy 2024 jylǵy 15 jeltoqsanda Talǵar aýdany Talǵar qalasy ákimin anyqtaý úshin saılaý ótetinin habarlaıdy”, dep jazylǵan Ortalyq saılaý komıssııasy saıtynda jarııalanǵan habarlamada.
Buǵan deıin Talǵar qalasynyń ákimi Baqyt Kúrishbekov qyzmetinen bosatylǵan bolatyn.
“Talǵar qalasynyń ákimi Baqyt Kúrishbekov pen qala ákiminiń orynbasary Saǵyndyq Matan óz mindetterin tıisinshe oryndamaǵany úshin qyzmetten bosatyldy”, – dep málimdedi Talǵar aýdany ákimdiginiń baspasóz qyzmeti.
Buǵan qosa, senip tapsyrylǵan aýmaqta baqylaýdy álsiretkeni úshin Talǵar aýdanynyń ákimi Tańat Aıdarbekovke sógis jarııalandy.
