سەنات دەپۋتاتى اندرەي لۋكين اەس-ءتى قاي جەرگە سالۋ كەرەگىن ۇسىندى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
ۇكىمەت باسشىسىنا جولداعان ساۋالىندا لۋكين اتوم ەلەكتر ستانتسياسىن اباي وبلىسى كۋرچاتوۆ قالاسىندا سالۋدى ۇسىنىپ، پىكىرىن ءبىلدىردى.
دەپۋتاتتىڭ ايتۋىنشا، سەمەي يادرولىق پوليگونى بولعان ۋاقىتتا اتوم ەنەرگەتيكاسى بويىنشا عىلىمي ورتالىقتار جۇمىس ىستەگەن. ال بۇل ورتالىقتار ءالى جۇمىسىن جالعاستىرۋدا.
ءتىپتى، قالا بيۋدجەتىنىڭ تەڭ جارتىسى وسى عىلىمي نىسانداردىڭ سالىقتىق تۇسىمدەرىمەن تولىعىپ وتىر.
«اتوم ەنەرگەتيكاسىن دامىتۋدا كۋرچاتوۆ قالاسىنىڭ ءرولى ماڭىزدى. قالا سەيسميكالىق تۇراقتى ايماقتا ورنالاسقان، دامىعان جەلىلىك ينفراقۇرىلىم بار جانە ەنەرگەتيكالىق قۋاتتى اپاتتىق جاعدايدا رەزەرۆكە الۋ مۇمكىندىگى جوعارى. ستانتسيا سالۋعا عىلىمي-تەحنيكالىق قولداۋ كورسەتەتىن بارلىق جاعداي جاسالعان. سونىمەن قاتار، راديواكتيۆتى قالدىقتاردى ساقتاۋعا قاجەتتى رەسۋرستار جەتكىلىكتى، سۋ تاپشىلىعى دا بولمايدى»، – دەدى دەپۋتات.
