Senat deputaty Andrei Lukin AES-tı qai jerge salu keregın ūsyndy, dep habarlaidy "Adyrna" ūlttyq portaly Orda.kz-ke sıltep.
Ükımet basşysyna joldaǧan saualynda Lukin atom elektr stansiiasyn Abai oblysy Kurchatov qalasynda saludy ūsynyp, pıkırın bıldırdı.
Deputattyŋ aituynşa, Semei iadrolyq poligony bolǧan uaqytta atom energetikasy boiynşa ǧylymi ortalyqtar jūmys ıstegen. Al būl ortalyqtar älı jūmysyn jalǧastyruda.
Tıptı, qala biudjetınıŋ teŋ jartysy osy ǧylymi nysandardyŋ salyqtyq tüsımderımen tolyǧyp otyr.
«Atom energetikasyn damytuda Kurchatov qalasynyŋ rölı maŋyzdy. Qala seismikalyq tūraqty aimaqta ornalasqan, damyǧan jelılık infraqūrylym bar jäne energetikalyq quatty apattyq jaǧdaida rezervke alu mümkındıgı joǧary. Stansiia saluǧa ǧylymi-tehnikalyq qoldau körsetetın barlyq jaǧdai jasalǧan. Sonymen qatar, radioaktivtı qaldyqtardy saqtauǧa qajettı resurstar jetkılıktı, su tapşylyǧy da bolmaidy», – dedı deputat.
Ūqsas jaŋalyqtar
