قازاقستاننىڭ شىعىسىندا جەر سىلكىنىسى تىركەلدى، ونى سەمەي تۇرعىندارى سەزدى. ماماندار مونيتورينگ جۇرگىزىپ، ناتيجەسىن جاريا ەتتى، دەپ حابارلايدى "ادىرنا".
مينيسترلىك مالىمەتىنشە، قازاقستان "سەيسمولوگيالىك زەرتتەۋ ينستيتۋتى" سەيسميكالىق ستانتسيالار جەلىسى 2025 جىلعى 27 قىركۇيەكتە استانا ۋاقىتىمەن 22 ساعات 51 مينۋت ۋاقىتتا جەر سىلكىنىسى بولعانىن تىركەدى.
جەر سىلكىنىسىنىڭ وشاعى قازاقستان اۋماعىندا الماتى قالاسىنان سولتۇستىك-شىعىسقا قاراي 852 كم جەردە بولعان.
سەمەي قالاسىندا جەر سىلكىنىسىنىڭ سەزىلۋ كۇشى 2 بالدى قۇرادى.
جەر سىلكىنىسى تىركەلگەننەن كەيىن "قازسەلدەنقورعاۋ"مم ماماندارى وزەن ارنالارىن، گيدروتەحنيكالىق قۇرىلىستاردى، كوشكىن مەن سەل ءجۇرۋ قاۋپى بار ۋچاسكەلەردى زەرتتەپ، مونيتورينگ جۇرگىزدى.
سونداي-اق تىرشىلىكتى قامتاماسىز ەتۋ نىساندارىن ارالاپ، تەكسەرۋ جۇمىستارىن جۇرگىزدى.
تەكسەرۋ ناتيجەلەرى بويىنشا زاقىمدانعان عيماراتتار تابىلعان جوق، قازىرگى ۋاقىتتا وبەكتىلەر شتاتتىق رەجيمدە جۇمىس ىستەپ تۇر.
"زارداپ شەككەندەر تۋرالى مالىمەت تۇسكەن جوق. جاعداي تۇراقتى", - دەيدى تجم وكىلدەرى.
