مەملەكەت باسشىسى ورتالىق سايلاۋ كوميسسياسىنىڭ ەكى مۇشەسىن قىزمەتىنەن بوساتتى، دەپ حابارلايدى "ادىرنا" ۇلتتىق پورتالى.
اقوردا مالىمەتىنشە، مەملەكەت باسشىسىنىڭ جارلىقتارىمەن ءسابيلا مۇستافينا مەن كونستانتين پەتروۆ ورتالىق سايلاۋ كوميسسياسىنىڭ مۇشەسى لاۋازىمىنان بوساتىلدى.
سونىمەن قاتار پرەزيدەنت جارلىعىمەن ازامات ايماناقۇموۆ پەن ميحايل بورتنيك ورتالىق سايلاۋ كوميسسياسىنىڭ مۇشەسى لاۋازىمىنا تاعايىندالدى.
قىزمەتتەن بوساتىلعان ءسابيلا مۇستافينا 1960 جىلعى 9 قاراشادا اقمولا وبلىسى ەرەيمەنتاۋ قالاسىندا دۇنيەگە كەلگەن. 1982 جىلى تسەلينوگراد اۋىل شارۋاشىلىعى ينستيتۋتىن اۋىلشارۋاشىلىعى ءوندىرىسىنىڭ ەكونوميست-ۇيىمداستىرۋشىسى ماماندىعى بويىنشا، 1990 جىلى بلكجو وك جانىنداعى جوعارى كومسومول مەكتەبىن ءبىتىردى، ساياساتتانۋشى.
ال پەتروۆ 1969 جىلى 18 ماۋسىمدا اقتوبە قالاسىندا دۇنيەگە كەلدى. 2021 جىلدان 29 قىركۇيەگىنەن باستاپ قازاقستان رەسپۋبليكاسى ورتالىق سايلاۋ كوميسسياسى توراعاسىنىڭ ورىنباسارى قىزمەتىنە تاعايىندالعان بولاتىن.
