ء«ادىل ءسوز» حالىقارالىق قورىنىڭ پرەزيدەنتى قارلىعاش جامانقۇلوۆا قىزىلوردادا ءوتىپ جاتقان V ۇلتتىق قۇرىلتايدا مەملەكەت باسشىسىنان وتاندىق بۇقارالىق اقپارات قۇرالدارىنا قولداۋ كورسەتۋىن سۇرادى، دەپ حابارلايدى "ادىرنا" ۇلتتىق پورتالى.
ءجۋرناليستىڭ ايتۋىنشا، ايماقتىق دەڭگەيدەگى مەديارەسۋرستاردى دامىتۋ ارقىلى ءوز ءنارراتيۆىمىزدى ءوزىمىز قالىپتاستىرۋعا مۇمكىندىك بار. ال مەدياساۋاتتى ازامات قوعامدى سىرتقى اقپاراتتىق مانيپۋلياتسيالاردان جانە كيبەرقاۋىپتەردەن قورعايدى.
«شىنايى، ساپالى اقپاراتقا سۇرانىس ازايعان جوق. وتاندىق باق بىرقاتار قيىندىققا قاراماستان، ءوز جۇمىسىن جەمىستى جالعاستىرىپ كەلەدى. وسى ورايدا، پرەزيدەنت مىرزا، باق-تى قولداۋىڭىزدى سۇرايمىز. 2022 جىلعى جولداۋىڭىزدا جۋرناليستەردىڭ قاۋىپسىزدىگى ماسەلەسىن كوتەردىڭىز. الايدا تاجىريبە كورسەتكەندەي، قىلمىستىق كودەكستىڭ 158-بابى جۋرناليستەردى تولىق قورعاي الماي وتىر. سوندىقتان قۇقىقبۇزۋشىلىقتاردىڭ ءبىر بولىگىن اكىمشىلىك جاۋاپكەرشىلىك ساناتىنا كوشىرۋدى ۇسىنامىز»، — دەدى قور باسشىسى.
سونىمەن قاتار، پارلامەنت رەفورماسى اياسىندا ايەلدەردىڭ 30% كۆوتاسىن ساقتاپ قالۋ ۇسىنىلدى، بۇل ايەلدەردىڭ ساياسي قاتىسۋىن ارتتىرۋعا باعىتتالعان.
