Memleket basshysy Ortalyq saılaý komıssııasynyń eki múshesin qyzmetinen bosatty, dep habarlaıdy "Adyrna" ulttyq portaly.
Aqorda málimetinshe, Memleket basshysynyń jarlyqtarymen Sábıla Mustafına men Konstantın Petrov Ortalyq saılaý komıssııasynyń múshesi laýazymynan bosatyldy.
Sonymen qatar prezıdent jarlyǵymen Azamat Aımanaqumov pen Mıhaıl Bortnık Ortalyq saılaý komıssııasynyń múshesi laýazymyna taǵaıyndaldy.
Qyzmetten bosatylǵan Sábılá Mustafına 1960 jylǵy 9 qarashada Aqmola oblysy Ereımentaý qalasynda dúnıege kelgen. 1982 jyly elınograd aýyl sharýashylyǵy ınstıtýtyn aýylsharýashylyǵy óndirisiniń ekonomıst-uıymdastyrýshysy mamandyǵy boıynsha, 1990 jyly BLKJO OK janyndaǵy Joǵary komsomol mektebin bitirdi, saıasattanýshy.
Al Petrov 1969 jyly 18 maýsymda Aqtóbe qalasynda dúnıege keldi. 2021 jyldan 29 qyrkúıeginen bastap Qazaqstan Respýblıkasy Ortalyq saılaý komıssııasy Tóraǵasynyń orynbasary qyzmetine taǵaıyndalǵan bolatyn.
