الماتى اكىمى ەربولات دوساەۆ قازاق ۇلتتىق قىزدار پەداگوگيكالىق ۋنيۆەرسيتەتى عىلىمي كىتاپحاناسىنىڭ اشىلۋ سالتاناتىنا قاتىسىپ، وعان بەلگىلى پەداگوگ، عالىم سەرالى قانيەۆتىڭ ەسىمى بەرىلدى.
سالتاناتتى راسىمگە عىلىم جانە جوعارى ءبىلىم ءمينيسترى ساياسات نۇربەك، جوو رەكتورى گۇلميرا قاناي جانە ت. ب. قاتىستى.
«بۇگىن قازاق ۇلتتىق قىزدار پەداگوگيكالىق ۋنيۆەرسيتەتى مەن جالپى قالامىز ءۇشىن اتاۋلى وقيعا - ءبىز ەڭ زاماناۋي تالاپتار مەن الەمدىك ستاندارتتارعا ساي كەلەتىن جاڭا كىتاپحانانى اشامىز. كىتاپحانا كورنەكتى عالىم جانە ۇستاز سەرالى قانيەۆتىڭ ەسىمىمەن اتالادى. ول 35 جىل بويى وسى ۋنيۆەرسيتەتتىڭ قابىرعاسىندا ەڭبەك ەتتى، ونىڭ بىلىمىمەن قاناتتانعان ستۋدەنتتەر ەلىمىزدىڭ ءار وڭىرىندە جەمىستى جۇمىس جاساۋدا، ءوز مانساپتارى مەن ومىرلەرىندە بيىك مەجەلەرگە قولجەتكىزۋدە»، - دەدى ءوز سوزىندە ەربولات دوساەۆ.
ەربولات دوساەۆ قازىرگى ستۋدەنتتەرگە وقۋدا جانە كاسىپتە جوعارى ستاندارتتارعا ۇمتىلۋعا، ءوز ىسىنە ادال بولۋعا تىلەك ءبىلدىردى.
كىتاپحانا عيماراتىن رەكونسترۋكتسيالاۋ قازاقستاندىق جانە شەتەلدىك ساۋلەتشىلەردىڭ جوباسى بويىنشا جانە سەرالى قانيەۆتىڭ ۇلى – كاسىپكەر بەرىك قانيەۆتىڭ قاراجاتى ەسەبىنەن جۇرگىزىلدى. كىتاپحانا عيماراتى مودەرنيزاتسيالانعاننان سوڭ وندا ەرەكشە ءبىلىم بەرۋ قاجەتتىلىكتەرى بار ستۋدەنتتەرگە ارنالعان ارنايى كابينەت پايدا بولدى. عيماراتتى قايتا قۇرۋ جۇمىستارى جۇرگىزىلدى، بۇل كىتاپحانانىڭ جالپى اۋماعىن 2195 شارشى مەترگە، ال وتىراتىن ورىنداردىڭ سانىن 550-گە دەيىن ۇلعايتۋعا مۇمكىندىك بەردى. جاڭا كىتاپحانا عيماراتىندا مىنالار بار: 2 وقۋ زالى، كونفەرەنتس-زال، اكادەميالىق جازۋ ورتالىعى، وقۋ ايماعى، ستۋدەنتتەردىڭ توپتىق جۇمىس بولمەلەرى، 14 جەكە وقۋ كابيناسى، رەلاكساتسيا بولمەسى. كىتاپحانانىڭ كىتاپ قورى 1 ملن كىتاپتان اسادى.
الماتىدا بۇگىندە 28 كىتاپحانا جۇمىس ىستەيدى. جىل سايىن قالالىق كىتاپحانالارعا 3 ميلليوننان استام ادام كەلەدى. قالا كىتاپحانالارىنىڭ
95% - ى مودەرنيزاتسيالاندى، ماتەريالدىق جانە تەحنيكالىق بازا تولىعىمەن جاڭارتىلدى. جالپى، 2030 جىلعا دەيىن الماتىدا تاعى 20 جاڭا كىتاپحانا اشۋ جوسپارلانۋدا.
